બનાસકાંઠાની જીવાદોરી સમાન દાંતીવાડા ડેમ છલોછલ, 26 હજાર હેક્ટર વિસ્તારને મળશે સિંચાઈનો લાભ
બનાસકાંઠાઃ બનાસકાંઠાના ખેડૂતો માટે જીવાદોરી સમાન દાંતીવાડા ડેમ અત્યારે છલોછલ ભરાઈ ગયો છે. ઉત્તર ગુજરાતમાં આવેલો આ ડેમ અત્યારે 93 ટકા ભરાયો છે. આ વર્ષે ઉત્તર ગુજરાતમાં વિપુલ માત્રાામાં વરસાદ થયો છે. જેથી ઉપરવાસમાં થયેલા વરસાદના કારણે દાંતીવાડા ડેમમાં પણ બહોળા પ્રમાણમાં પાણીની આવક થઈ છે. બનાસકાંઠા જિલ્લા કલેક્ટેર મિહિર પટેલે જાણકારી આપી છે કે, દાંતીવાડા ડેમ છલોછલ ભરાઈ ગયો છે.
દાંતીવાડા ડેમ અત્યારે 601.80 ફૂટ ફરાયો
વધારે વગતે વાત કરવામાં આવે તો, દાંતીવાડા ડેમ અત્યારે 601.80 ફૂટ ફરાયો છે. ડેમમાં 1409 ક્યુસેક પાણીની આવક થઈ છે. જો કે, તેની સામે જાવક સાવ નીલ છે. 604 ફૂટ ડેમની ભયજનક સપાટી છે. પાણી ખૂબ આવ્યું હોવાથી આ ડેમ વિસ્તારમાં આવતા ગામડાંઓને મોટો ફાયદો થવાનો છે. જિલ્લા કલેક્ટર મિહિર પટેલે જણાવ્યું કે, ભારે વરસાદથી દાંતીવાડા ડેમ સમૃદ્ધ, શિયાળું અને ઉનાળું પાક માટે આશીર્વાદરૂપ છે. મહત્વની વાત એ છે કે, 2017 બાદ હવે 2025માં એટલે કે 8 વર્ષ પછી ડેમ સંપૂર્ણ રીતે ભરાયો છે. દાંતીવાડા ડેમ 93 ટકા ભરાયો હોવાથી ખેડૂતોમાં ખુશીનો માહોલ જોવા મળી રહ્યો છે.
દાંતીવાડા ડેમ ૯૩% ભરાયો: ૨૬,૦૦૦ હેક્ટર વિસ્તારને મળશે સિંચાઈનો લાભ
— Info Banaskantha GoG (@infobanaskantha) September 16, 2025
ભારે વરસાદથી દાંતીવાડા ડેમ સમૃદ્ધ, શિયાળું અને ઉનાળું પાક માટે આશીર્વાદરૂપ: કલેક્ટર શ્રી મિહિર પટેલ@CMOGuj @InfoGujarat @CollectorBK pic.twitter.com/rakYpOOvUM
બનાસકાંઠાના 61 તથા પાટણના 49 ગામોને ફાયદો થશે
દાંતીવાડા ડેમના કારણે બનાસકાંઠા જિલ્લાના 61 તથા પાટણ તાલુકાના 49 ગામોને ફાયદો થઈ શકે તેમ છે, પરંતુ આ ફાયદો ત્યારે થશે જ્યારે દાંતીવાડા ડેમના દરવાજા ખુલવામાં આવે! અત્યારે ડેમમાંથી પાણી છોડવામાં આવ્યું નથી. બનાસકાંઠામાં અત્યારે પાણીના તળ ખૂબ જ નીચે પહોંચી ગયાં છે. જેથી આ દાંતીવાડા ડેમ સિંચાઈ માટે આધારરૂપ છે. ડેમમાંથી કેનલામાં જે પાણી છોડવામાં આવે છે તેના કારણે અનેક ગામડાંઓમાં સિંચાઈનું પાણી પહોંચે છે. દાંતીવાડા ડેમમાંથી ક્યારે પાણી છોડવામાં આવશે તે જોવું રહ્યું? પરંતુ પાણીની વિપુલ આવકના કારણે બનાસકાંઠાને ખૂબ જ ફાયદો થવાનો છે.
આપણ વાંચો: ભુપેન્દ્ર પટેલ આકરા પાણીએઃ બિસ્માર રસ્તાની યાદીનો આદેશ, કોન્ટ્રાક્ટર-અધિકારીઓ થશે બ્લેકલિસ્ટ
