Rajkot Fire Case: રાજકોટ ગેમઝોન અગ્નિકાંડ મામલે SITનો રિપોર્ટ રાજ્ય સરકારને સોંપવામાં આવ્યો
ગાંધીનગર: રાજકોટના TRP ગેમ ઝોન અગ્નિકાંડ માટે જવાબદારો સામે ઝડપથી તાપસ કરવા માટે રાજ્ય સરકારે સ્પેશ્યલ ઈન્વેસ્ટીગેશન ટીમ (SIT)ની રચના કરી છે, આ SITએ તાપસ બાદ તૈયાર કરેલો રિપોર્ટ સરકારને સોંપી દેવામાં આવ્યો છે, જેમાં રાજકોટના ફાયર વિભાગ સહીત અન્ય વિભાગોના ઘણા અધિકારીઓની બેજવાબદારી સામે આવી છે. જોકે ઉચ્ચ કક્ષાના અધિકારીઓની ભૂમિકા અંગે તપાસ હજુ ચાલી રહી છે.
અગાઉ SITએ 20 જૂન એટલે કે ગઇકાલે રિપોર્ટ સરકારને સોંપવાનો હતો પરંતુ તાપસ પ્રક્રિયા ચાલુ હોવાથી, રીપોર્ટ સોંપવામાં વિલંબ થઇ રહ્યો હતો. ગઇકાલે મોડી રાત સુધી નિવેદનો નોંધવાની પ્રક્રિયા ચાલી હતી.
નોંધનીય છે કે રાજકોટ TRP ગેમ ઝોન અગ્નિકાંડમાં 27 નિર્દોષ લોકોએ જીવ ગુમાવ્યા હતા. આ ઘટના માટે જવાબદાર લોકો સામે કડક કાર્યવાહી કરવા માંગ ઉઠી છે, તપાસ બાદ SITએ રાજ્ય સરકાર રિપોર્ટ સોંપી દીધો છે. નોંધનીય છે કે આ ઘટના પાછળ ઘણા ઉચ્ચ અધિકારીઓની બેદરકારી કારણ હોઈ શકે છે. તપાસ દરમિયાન ચાર IAS અને એક IPS અધિકારીની પણ પૂછપરછ કરવામાં આવી છે.
અહેવાલ મુજબ ચાર વિભાગોની બેજવાબદારી સામે આવી છે, આ સમગ્ર ઘટનામાં ફાયર વિભાગ, પ્લાનિંગ વિભાગ, લાયસન્સ બ્રાંચ સહિત પોલીસ વિભાગના વિભાગો અને બાંધકામ વિભાગના કર્મચારીઓની બેદરકારી સામે આવી છે. સરકાર ઉચ્ચ અધિકારીઓ વિરૂદ્ધ કડક કાર્યવાહી કરી શકે છે.
Also Read –
