વડોદરા સ્કૂલ બોર્ડમાં આશ્ચર્યજનક સંયોગ: સતત બીજા ચેરમેનનું ‘એક જ તારીખે’ હાર્ટ એટેકથી નિધન…
વડોદરાઃ કોરોના મહામારી પછી ગુજરાત જ નહીં, સમગ્ર દેશમાં હાર્ટ એટેકથી થનારા મૃત્યુના કિસ્સાનું પ્રમાણ વધી રહ્યું છે, પરંતુ વડોદરામાં સ્કૂલ બોર્ડના ચેરમેન બીજા ચેરમેનનું પણ અચાનક હાર્ટ એટેકથી અને એ પણ એક જ તારીખે નિધન થયું હતું. તેમના નિધન થવાના અહેવાલથી લોકોમાં આશ્ચર્ય થયું હતું.
વડોદરામાં નગર પ્રાથમિક શિક્ષણ સમિતિના અધ્યક્ષ નિશિત દેસાઈનું રવિવારે હાર્ટ એટેકથી અવસાન થયું છે. તેમના નિધનથી વિસ્તારમાં શોકનો માહોલ છવાઈ ગયો છે, પરંતુ આ ઘટના બાદ આશ્ચર્યજનક સંયોગનું લોકોમાં કૌતુક જાગ્યું છે. વાત અહીંથી અટકતી નથી, પણ તેમના પૂર્વગામી હિતેશ પટનીના મોત પછી તેઓ જવાબદારી સંભાળી રહ્યા હતા.
મહત્વની વાત એ છે કે તેમનું પણ નિધન હાર્ટ અટેકથી થયું હતું. આ ઘટના માત્ર એક વ્યક્તિના વિયોગની નથી, પરંતુ શિક્ષણ ક્ષેત્રમાં નેતૃત્વની અસ્થિરતાને પણ દર્શાવે છે.
વડોદરા શહેરના જાણીતા ભાજપ કાર્યકર્તા અને NPSSના અધ્યક્ષ નિશિત દેસાઈનું રવિવારે હાર્ટ એટેકથી અવસાન થયું હતું. તેઓ હિતેશ પટનીના નિધન પછી આ પદ સંભાળી રહ્યા હતા, જે વડોદરા મહાનગરપાલિકા (VMC) હેઠળના પ્રાથમિક શાળાઓનું સંચાલન કરે છે.
ઉલ્લેખનીય છે કે આ ઘટના ‘વર્લ્ડ હાર્ટ-ડે’ના એક રાત પહેલા બની હતી. જ્યારે તેમણે વડા પ્રધાન નરેન્દ્ર મોદીના 75મા જન્મદિવસ પર મહા રક્તદાન કાર્યક્રમનું આયોજન કર્યું હતું.
NPSSમાં ત્રણ વર્ષમાં બીજા અધ્યક્ષનું હાર્ટ અટેકથી નિધન થવાનો પણ આશ્ચર્યજનક સંયોગ છે. 2023માં હિતેશ પટનીનું બાળ મેળના બીજા દિવસે એટલે કે 28 જાન્યુઆરીએ હાર્ટ અટેકથી નિધન થયું હતું અને તેમની અંતિમયાત્રા 29 જાન્યુઆરીએ નીકળી હતી.
ત્યાર બાદ નિશિત દેસાઈએ 25મી તારીખે ચાર્જ લીધો હતો અને ગઈકાલે એટલે 28મી તારીખે તેમનું પણ અવસાન થયું. આ બંને નિધનમાં ફક્ત મહિનાનો તફાવત છે, પરંતુ તારીખ અને કારણ એક જ છે, જેનું લોકોને આશ્ચર્ય થયું છે.
નિશિત દેસાઈ ભાજપ (ભારતીય જનતા પાર્ટી) સાથે લાંબા સમયથી જોડાયેલા કાર્યકર્તા હતા, અને તેમને તત્કાલીન શહેર અધ્યક્ષ ડૉ. વિજય શાહે આ પદ પર નિમણૂક કરાવી હતી. તેમના પરિવારમાં પત્ની અને બે દીકરીઓ છે. એક દીકરી પાંચ દિવસ પહેલાં જ યુકેથી વડોદરા પરત આવી હતી, જ્યારે બીજી યુનિવર્સિટીમાં અભ્યાસ કરે છે.
ડૉ. વિજય શાહના ખાસ વિશ્વાસુ તરીકે ઓળખાતા દેસાઈએ શિક્ષણ ક્ષેત્રમાં મહત્વની ભૂમિકા ભજવી હતી, પરંતુ તેમના અચાનક અવસાનથી પાર્ટી અને સમુદાયમાં શોકની લહેર ફેલાઈ છે.
ગુજરાતના મોટા શહેરોમાં NPSS જેવી સમિતિઓની જવાબદારીને ખૂબ મહત્વ આપવામાં આવે છે, જેમ કે વડોદરાના સાંસદ ડૉ. હેમાંગ જોશી વાઇસ અધ્યક્ષથી સીધા સાંસદ બને છે, અને વિધાયક કેયુર રોકડિયા અધ્યક્ષથી મેયર અને પછી વિધાયક બન્યા છે.
પરંતુ છેલ્લા ત્રણ વર્ષમાં બે અધ્યક્ષોનું હાર્ટ અટેકથી મોત થવું એ ચિંતાનો વિષય છે. બંનેએ 25મી તારીખે ચાર્જ લીધું અને 28મી તારીખે વિયોગ પામ્યા, જે માત્ર સંયોગ છે કે કંઈક વધુ? આ ઘટનાએ આગામી નેતૃત્વ અને આરોગ્ય જાગૃતિ પર નજર કેન્દ્રિત કરી છે.
આ પણ વાંચો…માતાના મઢ જવા નીકળેલા વડોદરાના યુવકે સેવા કેમ્પમાં કરી આત્મહત્યા, કારણ અકબંધ
