ઉત્તર ગુજરાતના 3 જિલ્લાઓમાં ભારે વરસાદની આગાહી, અન્ય જિલ્લામાં કેવો રહેશે વરસાદ?

અમદાવાદઃ ગુજરાતમાં ઓગસ્ટ મહિનામાં હવામાન વિભાગ દ્વારા સર્વત્ર હળવાથી મધ્યમ વરસાદની આગાહી કરવામાં આવી છે. ઓગસ્ટ મહિનાની શરૂઆતમાં ક્યાંય ભારે વરસાદ નોંધાયો નથી. મેઘરાજાએ મહિનામાં વિરામ લીધો હોય તેવું લાગી રહ્યું છે. જો કે, આ સીઝનનો સરેરાશ વરસાદ ગત વર્ષની સરખામણીમાં વધારે થયો છે. જુલાઈમાં ગુજરાતના મોટાભાગના વિસ્તારોમાં ભારેથી અતિભારે વરસાદ નોંધાયો હતો. પરંતુ ઓગસ્ટમાં હળવા વરસાદની જ આગાહી કરવામાં આવી છે. જો કે, ઉત્તર ગુજરાતમાં ભારે વરસાદ થશે તેવી સંભાવનાઓ છે.

ઉત્તર ગુજરાતના 3 જિલ્લાઓમાં ભારે વરસાદની આગાહી

શ્રાવણ મહિનાના બીજા સોમવારે ઉત્તર ગુજરાતના 3 જિલ્લાઓમાં ભારે વરસાદની આગાહી કરવામાં આવી છે. જ્યારે બાકીના જિલ્લાઓમાં હળવા વરસાદની આગાહી કરવામાં આવી છે. રાજ્યમાં સક્રિય થયેલા અપર એર સરક્યુલેશનને કારણે આગામી 24 કલાક માટે ઉત્તર ગુજરાતના કેટલાક જિલ્લાઓમાં યલો એલર્ટ જાહેર કરવામાં આવ્યું છે. ઉત્તર ગુજરાતમાં ખાસ કરીને અરવલ્લી, સાબરકાંઠા અને બનાસકાંઠામાં ભારે વરસાદ આગાહી હવામાન વિભાગ દ્વારા કરવામાં આવી છે.

આ જિલ્લાઓમાં પણ હળવાથી મધ્યમ વરસાદની આગાહી

હવામાન વિભાગ પ્રમાણે બનાસકાંઠા, પાટણ, મહેસાણા, સાબરકાંઠા, અરવલ્લી, ગાંધીનગર, અમદાવાદમાં સામાન્ય વરસાદ પડવાની શક્યતાઓ છે. આ ઉપરાંત ભરૂચ, સુરત, ખેડા, આણંદ, પંચમહાલ, અમરેલી, ભાવનગર, ડાંગ, રાજકોટ, જામનગર, પોરબંદર, જુનાગઢ, તાપી, દાહોદ, મહિસાગર, વડોદરા, છોટાઉદેપુર, નર્મદા, વલસાડ, દમણ, દાદરા નગર હવેલી સાથે સાથે સૌરાષ્ટ્રના સુરેન્દ્રનગર, નવસારી, મોરબી, દ્વારકા, ગીર સોમનાથ, બોટાદ, દીવ અને કચ્છમાં હળવાથી સામાન્ય વરસાદની આગાહી હવામાન વિભાગ દ્વારા કરવામાં આવી છે.

આ પણ વાંચો…ગુજરાતના અનેક જિલ્લાઓમાં ગાજવીજ સાથે મધ્યમ વરસાદની આગાહી, ક્યાં કેટલો પડશે વરસાદ?