અમદાવાદઃ ગુજરાતમાં છેલ્લા 15 દિવસથી વરસાદ આવી રહ્યો છે. મોટા ભાગના જિલ્લાઓને વરસાદે કવર કરી લીધા છે. ચોમાસાની શરૂઆતના દિવસોમાં સારો એવો વરસાદ નોંધાઈ ગયો છે. અનેક જગ્યાએ તો ભારે વરસાદ નોંધાયો છે. એકબાજુ વરસાદ શરૂ છે તો સામે ફરી પણ હવામાન વિભાગ દ્વારા વરસાદની આગાહી કરવામાં આવી છે. આજે સોમવારે ગુજરાતના અનેક વિસ્તારોમાં હવામાન વિભાગ દ્વારા ભારે વરસાદની આગાહી કરવામાં આવી છે.
આગાહી પ્રમાણે આ વિસ્તારોમાં આજે ભારે વરસાદ આવશે
હવામાન વિભાગે આજે 30મી જૂન 2025 સોમવાર માટે ભારે વરસાદની આગાહી કરી છે. ઉત્તર ગુજરાતના બનાસકાંઠા, પાટણ, મહેસાણા, સાબરકાંઠા, અરવલ્લી તેમજ મધ્ય ગુજરાતના ગાંધીનગર, અમદાવાદ, મહિસાગરમાં ભારે વરસાદ પડી શકે છે તેવું હવામાન વિભાગે જણાવ્યું છે. આ સાથે હવામાન વિભાગ દ્વારા વલસાડ, ભરૂચ, સુરત, દાહોદ, નવસારી, દામણ, દાદરા નગર હવેલી, મોરબી, ગીર સોમનાથ, બોટાદ, સુરેન્દ્રનગર, જૂનાગઢ, અમરેલી, ભાવનગર, દીવ અને કચ્છમાં પણ આજે ભારે વરસાદની આગાહી કરવામાં આવી છે.
આ જિલ્લામાં કડાકા ભડાકા સાથે ભારે વરસાદની આગાહી કરવામાં આવી
પોરંબદર, ભાવનગર, મોરબી, પાટણ, પંચમહાલ, જામનગર, રાજકોટ, વડોદરા, તાપી, નવસારી, દ્વારકા, નર્મદ, ડાંગ અને ગીર સોમનાથમાં કડાકા ભડાકા સાથે ભારે વરસાદની આગાહી કરવામાં આવી છે. નોંધનીય છે કે, છેલ્લા 15 દિવસથી એટલે કે 16મી જૂનથી રાજ્યમાં વરસાદ શરૂ થઈ ગયો છે. આજે વહેલી સવારે પણ અનેક વિસ્તારોમાં વરસાદ થયો છે. તેની સાથે સાથે આજે અમદાવાદ અને ગાંધીનગર સહિત રાજ્યના 160 તાલુકામાં વરસાદી માહોલ જોવા મળ્યો છે.
આ પણ વાંચો…ગુજરાતમાં અષાઢ જામ્યો: ૧૬૦ તાલુકાઓમાં મેઘમહેર, કડી-વિરમગામમાં 3 ઈંચથી વધુ વરસાદ
