અમદાવાદ: ગુજરાતમાં ફરી એક વાર હવામાન પલટાવાનું છે. રાજ્યના અનેક જિલ્લાઓમાં ગરમીની અસર વર્તાઇ રહી છે ત્યારે ફરી કમોસમી વરસાદની હવામાન વિભાગે આગાહી કરી છે. રાજ્યમાં આગામી પાંચ દિવસ કમોસમી વરસાદ પડશે. જે અંતર્ગત દક્ષિણ ગુજરાત, ઉત્તર પૂર્વીય ગુજરાતમાં વરસાદની આગાહી કરી છે. તો સૌરાષ્ટ્ર અને કચ્છમાં છૂટો-છવાયો વરસાદ વરસી શકે છે. આ દરમિયાન 40 થી 50 કિલોમીટર પ્રતિ કલાકની ઝડપે પવન પણ ફૂંકાઇ શકે છે. ગુજરાત પર સાયક્લોનિક સર્ક્યુલેશન સક્રિય થતાં હવામાનમાં બદલાવ આવી રહ્યો છે.
આજે હળવાથી મધ્યમ કમોસમી વરસાદની આગાહી
જયારે 17 મે 2025ના રોજ અમરેલી, ભાવનગર, ગીર સોમનાથ, પંચમહાલ, વડોદરા, છોટા ઉદેપુર, દાહોદ, ભરૂચ, નર્મદા, સુરત, તાપી, નવસારી, ડાંગ અને વલસાડ જિલ્લામાં હળવાથી મધ્યમ કમોસમી વરસાદ પડી શકે છે.
18 મે 2025ના રોજ ડાંગ અને વલસાડ જિલ્લામાં કમોસમી વરસાદની આગાહી
18 મે 2025ના રોજ અમરેલી, ભાવનગર, ગીર સોમનાથ, દાહોદ, છોટા ઉદેપુર, નર્મદા, તાપી, નવસારી, ડાંગ અને વલસાડ જિલ્લામાં જ્યારે 19 મે 2025ના રોજ અમરેલી, ભાવનગર, દાહોદ, છોટા ઉદેપુર, નર્મદા, તાપી, નવસારી, ડાંગ અને વલસાડ જિલ્લામાં છૂટો છવાયો કમોસમી વરસાદ થઇ શકે છે.
20 અને 21 મે 2025ના રોજ દાહોદ, નર્મદા
આ ઉપરાંત તારીખ 20 અને 21 મે 2025ના રોજ દાહોદ, નર્મદા, છોટા ઉદેપુર, તાપી, ડાંગ, નવસારી, વલસાડ જિલ્લામાં છૂટો છવાયો ગાજવીજ સાથે હળવોથી મધ્યમ કમોસમી વરસાદ પડી શકે છે.
અમદાવાદનું મહત્તમ તાપમાન 39 ડિગ્રી રહેવાની શકયતા
ગુજરાતના સુરેન્દ્રનગર, મોરબી, બોટાદ, કચ્છ સહિતના જિલ્લાઓમાં 40 ડિગ્રી મહત્તમ તાપમાન રહે તેવી શક્યતા છે. આ ઉપરાંત અમદાવાદ, અમરેલી, ગાંધીનગર, પાટણ, રાજકોટ સહિતના જિલ્લાઓમાં 39 ડિગ્રી મહત્તમ તાપમાન રહે તેવી શક્યતા છે. તેમજ આણંદ, અરવલ્લી, બનાસકાંઠા, ખેડા, મહીસાગર, મહેસાણા, સાબરકાંઠા સહિતના જિલ્લાઓમાં 38 ડિગ્રી મહત્તમ તાપમાન રહે તેવી શક્યતા છે.
આ પણ વાંચો…ગુજરાતમાં સાયક્લોનિક સર્ક્યુલેશન સક્રિય, આગામી પાંચ દિવસ કમોસમી વરસાદની આગાહી