અમદાવાદઃ અમદાવાદમાં આજે વહેલી સવારથી વરસાદી વાદળો જોવા મળ્યાં છે. આગાહી પ્રમાણે આજે હળવાથી મધ્યમ પ્રકારના વરસાદની શક્યતાઓ છે. ગુજરાતમાં પણ આગામી 6 દિવસથી ગાજવીજ સાથે હળવાથી મધ્યમ વરસાદની આગાહી કરવાવામાં આવી છે. હવામાન વિભાગે આપેલી વિગતો પ્રમાણે આજથી લઈને 8 ઓગસ્ટ સુધી આવું જ વાતાવરણ રહેવાનું છે. ગુજરાતમાં કેટલાક વિસ્તારોમાં હળવા ઝાપટાં પણ પડી શકે છે.
દક્ષિણ ગુજરાતમાં ગાજવીજ સાથે મધ્યમ વરસાદની આગાહી
હવામાન વિભાગે આપેલી વિગતો પ્રમાણે આગામી 8 ઓગસ્ટ સુધી દક્ષિણ ગુજરાતમાં ગાજવીજ સાથે હળવાથી મધ્યમ વરસાદ થવાની શક્યતાઓ છે. જેમાં ખાસ કરીને સુરત, નવસારી, છોટાઉદેપુર, વલસાડ, દમણ, વડોદરા, ભરૂચ, તાપી, ડાંગ, નર્મદા, દાદરા નગર હવેલીમાં હળવા વરસાદની આગાહી કરવામાં આવી છે. હવામાન નિષ્ણાત અંબાલાલ પટેલની આગાહી પ્રમાણે 18મી ઓગસ્ટથી 22મી ઓગસ્ટ દરમિયાન ભારે વરસાદ પણ થઈ શકે છે. જ્યારે સમગ્ર રાજ્યમાં હળવાથી મધ્યમ વરસાદની આગાહી કરવામાં આવી છે.
આ જિલ્લામાં આગામી 6 દિવસ હળવાથી મધ્યમ વરસાદની આગાહી
આગામી 6 દિવસ સુધી કચ્છમાં નહિવત સમાન વરસાદની સંભાવના છે. જો કે, મધ્ય ગુજરાત, સૌરાષ્ટ્ર અને ઉત્તર ગુજરાતમાં હળવો વરસાદ થવાનો છે. હવામાન વિભાગની આગાહી પ્રમાણે નર્મદા, ભરૂચ, સુરત, ડાંગ, પંચમહાલ, અરવલ્લી, ખેડા, આણંદ, પોરબંદર, જૂનાગઢ, દાહોદ, બનાસકાંઠા, પાટણ, મહેસાણા, સાબરકાંઠા, ગાંધીનગર, અમદાવાદ, મહીસાગર, વડોદરા, છોટાઉદેપુર, બોટાદ, મોરબી, કચ્છ, ભાવનગર, વલસાડ, સુરેન્દ્રનગર, રાજકોટ, જામનગર, તાપી, નવસારી, ગીર સોમનાથ, અમરેલી અને દ્વારકા જેવા જિલ્લાઓમાં હળવાથી મધ્યમ વરસાદની આગાહી કરવામાં આવી છે.
કયા વિસ્તારમાં કેટલો વરસાદ નોંધાયો?
આ સીઝનની થયેલા વરસાદની વાત કરવામાં આવે તો, 1 જૂનથી 31 જુલાઈ સુધીમાં રાજ્યમાં સામાન્ય કરતાં 27% વધારે વરસાદ નોંધાયો છે. જ્યારે સમગ્ર ગુજરાતમાં સરેરાશ 30%થી પણ વધારે વરસાદ પડ્યો છે. ઝોનની વાત કરીએ તો, સૌરાષ્ટ્ર-કચ્છ વિસ્તારમાં 23% વરસાદ નોંધાયો છે. પરંતુ ઓગસ્ટમાં વરસાદની શક્યતાઓ ઓછી છે. સમગ્ર ગુજરાતમાં માત્ર હળવાથી મધ્યમ વરસાદની આગાહી જ કરવામાં આવી છે. આ દરમિયાન ક્યાંય ભારે વરસાદની આગાહી કરવામાં આવી નથી.
આ પણ વાંચો…ગુજરાતમાં આજે મોટાભાગના વિસ્તારમાં હળવાથી મધ્યમ વરસાદની આગાહી, 75 ડેમ એલર્ટ પર
