અમદાવાદ: ગુજરાત રાજ્ય સરકારના મહેસૂલ વિભાગ દ્વારા વહીવટીતંત્રને વધુ અસરકારક બનાવવા માટે એક મહત્વનો નિર્ણય લેવામાં આવ્યો છે. વિભાગ હેઠળના મામલતદાર, વર્ગ-2 સંવર્ગમાં ફરજ બજાવતા 39 અધિકારીઓની તાત્કાલિક બદલી કરવાનો આદેશ જારી કરવામાં આવ્યો છે.
મહેસૂલી કામગીરીને વધુ ગતિશીલ અને અસરકારક બનાવવાના ઉદ્દેશ્યથી આ પગલું ભરવામાં આવ્યું છે. આ બદલીઓથી રાજ્યભરના વિવિધ જિલ્લાઓમાં વહીવટી સ્તરે નોંધપાત્ર ફેરફાર જોવા મળશે.
આપણ વાચો: અમરેલી લેટરકાંડ મામલે મોટી કાર્યવાહી; ત્રણ PI-PSI ની તાત્કાલિક બદલી…
મહેસૂલ વિભાગ દ્વારા જે 39 મામલતદારોની બદલી કરવામાં આવી છે, તેમાં સૌરાષ્ટ્રના કેટલાક મહત્વના સ્થળોના અધિકારીઓનો પણ સમાવેશ થાય છે. આ બદલીઓમાં રાજકોટ કલેક્ટર કચેરીમાં ફરજ બજાવતા પ્રોટોકોલ ઓફિસર (PRO), જમીન સંપાદન મામલતદાર તેમજ ધોરાજી, લીલીયા,
મોરબી અને દ્વારકા સહિતના તાલુકાના મામલતદારોનો સમાવેશ થાય છે. આ ફેરબદલથી સંબંધિત જિલ્લાઓમાં મહેસૂલી અને વહીવટી કામગીરીને નવી દિશા મળશે.
મહેસૂલ વિભાગ દ્વારા બહાર પાડવામાં આવેલા સત્તાવાર આદેશ મુજબ, આ તમામ અધિકારીઓને તેમના હાલના કાર્યસ્થળ પરથી તાત્કાલિક અસરથી મુક્ત કરીને તેમને નામ સામે દર્શાવેલા નવા સ્થળે નિમણૂક આપવામાં આવી છે.
આપણ વાચો: IPSની બદલી કર્યાના 10 દિવસમાં 118 PSIની તાત્કાલિક અસરથી બદલી, DGP કચેરીએ આપ્યો આદેશ
તમામ અધિકારીઓને ઝડપથી નવા સ્થળે હાજર થવા માટે સૂચના પણ આપવામાં આવી છે, જેથી મહેસૂલી કામગીરી ખોરવાય નહીં. આ આદેશોનો મુખ્ય હેતુ મહેસૂલ વિભાગનું વહીવટી નિયંત્રણ જાળવવાનો અને રાજ્યભરમાં કામગીરીમાં પારદર્શિતા લાવવાનો છે.
મહેસૂલ વિભાગ દ્વારા જે 39 અધિકારીઓની બદલી કરવામાં આવી છે, તેમની સંપૂર્ણ યાદી વિભાગની સત્તાવાર વેબસાઇટ પર જાહેર કરવામાં આવી છે. આ પગલું સમગ્ર બદલી પ્રક્રિયામાં પારદર્શિતા જાળવવામાં મદદરૂપ થશે. વિભાગ માને છે કે સમયાંતરે આ પ્રકારના વહીવટી ફેરફારો કરવાથી કાર્યક્ષમતા વધે છે અને લોકોની સમસ્યાઓનું નિરાકરણ લાવવાની ગતિ ઝડપી બને છે.
