ગુજરાત કોંગ્રેસમાં મોટી હિલચાલઃ અહમદ પટેલના દીકરાની ચોંકાવનારી જાહેરાત, AIMIMએ બળતામાં ઘી હોમ્યું?
અમદાવાદઃ બિહારમાં કોંગ્રેસનું પ્રદર્શન ખૂબ જ ખરાબ રહ્યું હતું. હવે કોંગ્રેસ પાર્ટી પર અનેક સવાલો થઈ રહ્યાં છે. આ સાથે હવે ગુજરાતમાં પણ કોંગ્રેસ માટે સ્થિતિ ચિંતાજનક સાબિત થઈ રહી છે.
કોંગ્રેસ નેતા સોનિયા ગાંધીના ઘણા વર્ષો સુધી રાજકીય સલાહકાર રહેલા દિવંગત અહેમદ પટેલના પુત્ર ફૈઝલ પટેલે ‘નવી કોંગ્રેસ’ની રચનાની જાહેરાત કરી છે, જેથી હવે કોંગ્રેસમાં પણ બે ભાગ પડવાની શક્યતા છે.
ગુજરાત કોંગ્રેસથી નારાજ અહમદ પટેલના દીકરા ફૈઝલ પટેલે ચોંકાવનારી જાહેરાત કરીને પાર્ટીને તો ઝટકો આપ્યો છે. ફૈઝલે પાર્ટીને પૂછ્યું છે કે કોંગ્રેસથી અલગ પાર્ટી બનાવી લઉ. આ પોસ્ટને લઈ રાજકારણમાં ગરમાવો આવ્યો છે.
આપણ વાચો: ગુજરાત કોંગ્રેસના દિગ્ગજ નેતાનું જન્મદિવસના એક દિવસ પહેલા નિધન, પાર્ટીના નેતાઓએ શોક વ્યક્ત કર્યો…
ફૈઝલ પટેલે કોંગ્રેસ એપી (અહમદ પટેલ)ની રચનાની જાહેરાત કરી
ફૈઝલ પટેલે કોંગ્રેસ એપી (અહમદ પટેલ)ની રચનાની જાહેરાત કરી છે. ભાઈ ફૈઝલના આ નિર્ણયના કારણે બહેન મુમતાઝ પટેલ પણ અવઢવ મૂકાયા હોવા છતાં મુમતાઝ પટેલે કોંગ્રેસમાં રહેવાનો નિર્ણય લીધો છે.
કોંગ્રેસ પક્ષ વિશે અમને ખબર નથી, પરંતુ ફૈઝલ પટેલે પોતાના ઇરાદા જાહેર કરી દીધા છે કે, તેઓ હવે કોંગ્રેસથી ખુશ નથી અને અલગ થવા માંગી રહ્યાં છે. ફૈઝલ પટેલની આ જાહેરાતથી રાજકારણ ગરમાયું છે. ખાસ કરીને કોંગ્રેસમાં ખળભળાટ મચી જવા પામ્યો છે.
આપણ વાચો: રાહુલ ગાંધીએ ગુજરાત કોંગ્રેસને આપ્યું હોમવર્ક, 18 સપ્ટેમ્બરે આપશે રિપોર્ટ કાર્ડ
નવી પાર્ટીની જરુર નહીં AIMIMમાં જોડાવવાની ઓફર
બીજી બાજુ અસદુદ્દીન ઓવૈસીની પાર્ટીએ પણ નારાજ ફૈઝલ માટે ચોંકાવનારી ઓફર આપી છે. ઓવૈસીની AIMIMના દિલ્હી પ્રમુખ ડૉ. શોએબ જમઈએ ફૈઝલ પર પ્રહાર કર્યો છે અને કહ્યું છે કે, જે અહમદ પટેલે 90ના દાયકાથી ડૂબતી કોંગ્રેસને તારવાનું કામ કર્યું છે ત્યારે તેમના પરિવારના લોકો સાથે કોંગ્રેસ પાર્ટીનો વ્યવહાર ફક્ત અભિમાનનો નિર્દેશ કરે છે.
ફૈઝલને નવી પાર્ટી બનાવવાની કોઈ જરૂર નથી, તેઓ અમારી પાર્ટી (AIMIM)માં સામેલ થઈ શકે છે. આ પાર્ટીમાં તેમને ખૂબ જ માન-સન્માન મળશે, જેવું તેમના પિતા અહમદ પટેલને મળતું હતું.
આપણ વાચો: રાહુલ ગાંધીની મુલાકાત બાદ ગુજરાત કોંગ્રેસના કયા બે નેતાએ રાજીનામું આપતા મચી ગઈ ચકચાર, જાણો
ફૈઝલ પટેલે ફેસબુક પર લોકો પાસેથી અભિપ્રાય માંગ્યો
અત્રે નોંધનીય છે કે, ફૈઝલ પટેલે ફેસબુક પોસ્ટ કરીને આ નિર્ણય અંગે લોકો પાસેથી અભિપ્રાય માંગ્યો હતો. તેમણે લખ્યું કે, શું તેમણે કોંગ્રેસ પાર્ટીથી અલગ થઈને કોંગ્રેસ (એપી) નામનું નવું સંગઠન શરૂ કરવું જોઈએ? હું કોંગ્રેસ પાર્ટીને અલગ કરવાનું વિચારી રહ્યો છું. તેનું નામ કોંગ્રેસ (એપી) રાખીશ. બધાનો શું અભિપ્રાય છે?.
આ પોસ્ટ સાથે ફૈઝલ પટેલે એવો પણ દાવો કર્યો હતો કે, તેમની બહેન મુમતાઝ પટેલ પણ તેમની સાથે જોડાશે, પરંતુ મુમતાઝ પટેલે તો કોંગ્રેસનો સાથ છોડવાની ના પાડી દીધી છે.
ગુજરાતના લોકોએ કોઈ ત્રીજી પાર્ટીને પ્રાધાન્ય નથી આપ્યું
ગુજરાતમાં રાજકીય ગણિત વર્ષોથી બે જ પક્ષોને સ્વીકારતું આવ્યું છે. ભાજપ અને કોંગ્રેસ સિવાય ગુજરાતના લોકોએ ખાસ કોઈ ત્રીજી પાર્ટીને પ્રાધાન્ય નથી આપ્યું. જોકે, થોડા સમયથી આમ આદમી પાર્ટી (આપ) ગુજરાતમાં જગ્યા બનાવવા માટે પ્રયત્ન કરી રહી છે.
મુમતાઝ પટેલ આમ આદમી પાર્ટી (આપ)થી નારાજ છે, કારણ કે 2024ની લોકસભા ચૂંટણીમાં તેઓ તેમના પિતાની પરંપરાગત બેઠક પરથી ચૂંટણી લડી શક્યા નહોતાં. કારણ કે, ગુજરાતમાં આપ અને કોંગ્રેસના ગઠબંધનમાં આ બેઠક આમ આદમી પાર્ટીના ફાળે ગઈ હતી.
જોકે, ફૈઝલ પટેલની નવી પાર્ટી અંગે સ્પષ્ટ કરી દીધું છે કે, તેઓ અત્યારે કોઈ નવી પાર્ટીમાં જોડાવવાનો વિચાર નથી કરી રહ્યાં. ઉપરાંત, જો નવી કોંગ્રેસ પાર્ટી બને તો મૂળ કોંગ્રેસ પાર્ટી માટે ગુજરાતમાં ચૂંટણી જીતવાનું અઘરું સાબિત થઈ શકે છે, કારણ કે ગુજરાતમાં આમ પણ લાંબા સમયથી ભાજપ વર્ચસ્વ જમાવીને બેઠું છે, ત્યારે આ નવી જાહેરાતને કારણે પાર્ટીની મુશ્કેલી વધી શકે છે.
