અમદાવાદઃ ગુજરાતમાં અત્યારસુધી સરેરાશ 28.37 ઈંચ સાથે 81 ટકા વરસાદ વરસી ચૂક્યો છે. ખાસ કરીને વાત કરવામાં આવે તો ગુજરાતના 37 તાલુકામાં 40 ઈંચથી વધુ વરસાદ નોંધાયો છે.
ભારે વરસાદના કારણે 207 જળાશયોમાં સરેરાશ જળસ્તર 78.82 ટકાએ પહોંચી ગયું છે. 59 જળાશયો છલોછલ ભરાયા છે જ્યારે 78 જળાશયો હાઈઍલર્ટ જાહેર કરી દેવામાં આવ્યાં છે.
આપણ વાંચો: રાજ્યમાં 5 દિવસ ભારે વરસાદની આગાહી, ધરમપુરમાં 4 ઇંચ સહિત 207 તાલુકામાં મેઘમહેર
છેલ્લા 24 કલાકમાં સૌરાષ્ટ્રમાં 81.25 ટકા વરસાદ નોંધાયો
અત્યાર સુધીમાં કચ્છમાં સૌથી વધુ 84.58 ટકા વરસાદ, દક્ષિણ ગુજરાતમાં 84.38 ટકા વરસાદ, ઉત્તર ગુજરાતમાં 83.59 ટકા વરસાદ અને સૌરાષ્ટ્રમાં 81.25 ટકા વરસાદ નોંધાયો છે. આજે છેલ્લા 24 કલાકમાં વલસાડમાં સૌથી વધુ 4.29 ઈંચ વરસાદ નોંધયો છે.
ગુજરાતના 42 તાલુકા એવા છે, જ્યાં સિઝનનો 100 ટકા વરસાદ વરસી ચૂક્યો છે. રાજ્યમાં છેલ્લા 24 કલાકમાં 33 જિલ્લામાં 234 તાલુકાઓમાં વરસાદ નોંધાયો છે. છેલ્લા 24 કલાકમાં રાજ્યમાં સરેરાશ 23.62 મીમી વરસાદ નોંધાયો છે.
આપણ વાંચો: ગુજરાત માટે હજી 5 દિવસ ભારે! આજે 8 જિલ્લામાં ભારે વરસાદને પગલે ઓરેન્જ એલર્ટ
ગુજરાતના 64 જળાશયોમાં 100 ટકા ભરાયા
જળાશયોની વાત કરવામાં આવે તો, અત્યાર સુધી આવેલા વરસાદના કારણે ગુજરાતના 64 જળાશયોમાં 100 ટકા, 74 જળાશય 70 ટકાથી 100 ટકા, 29 જળાશયોમાં 50 ટકાથી 70 ટકા, 226 જળાશયોમાં 25 ટકાથી 50 ટકા જ્યારે 17 જળાશયોમાં 25 ટકાથી ઓછું જળસ્તર છે.
આગામી સાત દિવસ સુધી ભારેથી અતિભારે વરસાદની આગાહી
હવામાન વિભાગ દ્વારા ગુજરાતમાં આગામી 7 દિવસની એટલે કે 24 થી 30 ઓગસ્ટ સુધી ભારેથી અતિભારે વરસાદની આગાહી કરી છે.
આવતીકાલે સાબરકાંઠા, અરવલ્લી, બનાસકાંઠા, પાટણ અને મોરબીમાં છૂટાછવાયા સ્થળે અતિ ભારે વરસાદને લઈને ઓરેન્જ એલર્ટ આપવામાં આવ્યું છે. તેમજ મહેસાણા, પંચમહાલ, અમદાવાદ, સુરેન્દ્રનગર, ભાવનગર, દાહોદ, દેવભૂમિ દ્વારકા, જામનગર, ગાંધીનગર, ખેડા, મહીસાગર, કચ્છ, નવસારી, ડાંગ, વલસાડ, દમણ અને દાદરા નગર હવેલીમાં છૂટાછવાયા સ્થળોએ ભારે વરસાદને લઈને યલો એલર્ટ આપવામાં આવ્યું છે.
