ગુજરાતમાં કોરાનાએ ફરી ફૂંફાડો માર્યો, એક જ સપ્તાહમાં જ 7 નવા કેસ નોંધાયા

અમદાવાદઃ વર્ષ 2020-2021માં સમગ્ર વિશ્વને ભરડામાં લેનારા કોરાના વાયરસે ફરી માથું ઊંચક્યું છે. હોંગકોંગ, સિંગાપોર, થાઈલેન્ડમાં કોરોનાના કેસ વધી રહ્યા છે, આ દરમિયાન ભારત સહિત ગુજરાતમાં પણ કોવિડ-19ના કેસ વધી (Increase in covid-19 cases) રહ્યા છે. ગુજરાતમાં હાલ કોરોનાના એક્ટિવ કેસની સંખ્યા 7 છે, છેલ્લા એક સપ્તાહમાં જ 6 નવા કેસ નોંધાયા છે.

હાલ દેશમાં સૌથી વધુ એક્ટિવ કેસ ધરાવતાં રાજ્યોમાં ગુજરાત છઠ્ઠા ક્રમે છે. વર્ષ 2020થી અત્યાર સુધી ગુજરાતમાં કોવિડ-19ના 12 લાખથી વધુ કેસ નોંધાઈ ચુક્યા છે. કુલ 11,101 વ્યક્તિએ કોરોનાથી જીવ ગુમાવ્યો છે.

હાલ ભારતમાં કોરોનાના સૌથી વધુ એક્ટિવ કેસ કેરળમાં છે. કેરળ 95 કેસ સાથે મોખરે છે, તમિલનાડુ 66 કેસ સાથે બીજા, મહારાષ્ટ્ર 56 કેસ સાથે ત્રીજા, કર્ણાટક 13 કેસ સાથે ચોથા, પુડ્ડુચેરી 10 કેસ સાથે પાંચમા ક્રમે છે.

કોરોનાના કેસમાં આવેલો ઉછાળા પાછળ અનેક કારણ જવાબદાર છે. વેક્સિનથી શરીરમાં ઉભી થયેલી રોગ પ્રતિકારક શક્તિ ધીમે ધીમે ખતમ થવી, મિશ્ર ઋતુ વગેરે જવાબદાર કારણો છે.

વાયરસનો નવો વેરિએન્ટ એલ એફ.7 અને એનબી 1.8 છે આ બંને જેએન.1 વેરિએન્ટથી એડવાન્સ છે. ઉલ્લેખનીય છે કે જેએન.1 વેરિએન્ટનો જ વર્તમાનમાં કોવિડ વેકિસન તૈયાર કરવામાં ઉપયોગ શરુ થયો હતો.

આ પણ વાંચો…શું સરકારે કોરાનાને કારણે થયેલા મોતના આંકડા છુપાવ્યા? સરકારી રીપોર્ટસમાં મોટો તફાવત; જાણો શું છે હકીકત