ગુજરાતમાં ચોમાસું વેકેશન મુડમાં, આ વિસ્તારમાં વરસાદ પુરાવી શકે છે હાજરી…
અમદાવાદ: ગુજરાતમાં વરસાદની ધમાકેદાર બેટીંગ બાદ હવે ચોમાસું નબળું પડી રહ્યું છે. આ વચ્ચે હવામાન વિભાગે રાજ્યમાં છૂટાછવાયા વરસાદની આગાહી વ્યક્ત કરી છે.
6 ઓગસ્ટ 2025, બુધવારે રાજ્યના અનેક વિસ્તારોમાં હળવાથી સામાન્ય વરસાદની શક્યતા વ્યક્ત કરવામાં આવી છે. આ સાથે, ગરમીમાં ધીમે ધીમે વધારો થવાની પણ સંભાવના વ્યક્ત કરવામાં આવી છે.
હવામાન વિભાગના જણાવ્યા અનુસાર, 6 ઓગસ્ટ 2025ના રોજ ગુજરાતના ઉત્તરીય વિસ્તારો જેવા કે બનાસકાંઠા, પાટણ, મહેસાણા, સાબરકાંઠા અને અરવલ્લીમાં હળવાથી મધ્યમ વરસાદની શક્યતા છે.
આ ઉપરાંત, દક્ષિણ ગુજરાતના જિલ્લાઓ જેમ કે સુરત, નવસારી, વલસાડ, ડાંગ, તાપી, ભરૂચ, નર્મદા, વડોદરા, છોટા ઉદેપુર, પંચમહાલ, દાહોદ, મહિસાગર, આણંદ, ખેડા, અમદાવાદ, ગાંધીનગર તેમજ દમણ અને દાદરા નગર હવેલીમાં પણ છૂટાછવાયા વરસાદની આશા છે.
સૌરાષ્ટ્ર અને કચ્છના વિસ્તારોમાં પણ હવામાન વિભાગે હળવા વરસાદની આગાહી કરી છે. સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, દ્વારકા, ગીર સોમનાથ, બોટાદ, દીવ અને કચ્છમાં હળવાથી સામાન્ય વરસાદ પડવાની સંભાવના છે.
આ વિસ્તારના વાતાવરણ ભેજનું પ્રમાણ જળવાઈ રહેશે, જ્યારે વરસાદનું પ્રમાણે ઓછું રહેવાની શક્યાતા વ્યક્ત કરવામાં આવી છે. જેનાથી ગરમીમાં થોડી રાહત મળી શકે છે.
જ્યારે અમદાવાદમાં 6 ઓગસ્ટ 2025ના રોજ વાતાવરણ આંશિક રીતે વાદળછાયું રહેવાની સંભાવના છે. હવામાન વિભાગ અનુસાર અમદાવાદમાં વરસાદની શક્યતાઓ નહિંવત છે. જ્યારે પવનની ગતિ લગભગ 19 કિલોમીટર પ્રતિ કલાક રહેવાની સંભાવના છે, જેનાથી વાતાવરણમાં થોડી ઠંડક જોવા મળી શકે છે.
આ પણ વાંચો…ગુજરાતમાં 50 ડેમ હાઈએલર્ટ પર, રાજ્યમાં સિઝનનો સરેરાશ 63.78 ટકા વરસાદ…
