સુરત: લબુબુ ડોલને લઈને ફરી એક ચોંકાવનારી ઘટના સામે આવી છે, જેમાં બે નાની બાળકીઓએ આ ડોલથી ડરી જઈને રડવાનું શરૂ કર્યું હતું. સોશિયલ મીડિયામાં ખૂબ ચર્ચામાં રહેલી આ ડોલનો ડરામણો દેખાવ અને તેની આસપાસની વાતો બાળકોના મન પર નકારાત્મક અસર કરી રહી છે. આ ઘટનાએ રમકડાંની પસંદગીમાં સાવધાની રાખવાનું મહત્વ દર્શાવ્યું છે.
સુરતના ઈન્સ્ટાગ્રામ ઇન્ફ્લુએન્સર ફેનિલ દેસાઈએ તેમની પત્ની અને બે નાની દીકરીઓ સાથે ગોવાની યાત્રા દરમિયાન બાળકોની જીદને કારણે લબુબુ ડોલ ખરીદી હતી. શરૂઆતમાં બધું બરાબર હતું, પરંતુ થોડા દિવસો બાદ ઘરમાં નકારાત્મક વાતાવરણ ફેલાયું.
આપણ વાંચો: મહારાષ્ટ્રમાં લીકર ટેક્સથી અર્થતંત્રને ફટકોઃ અર્થતંત્ર-રોજગાર પર ગંભીર અસરની ચેતવણી
રવિવારે (17 ઓગસ્ટ) રાત્રે બંને દીકરીઓ અચાનક ઊંઘમાંથી ડરીને રડતી ઊઠી અને કહ્યું, “પપ્પા, લબુબુ જીવતું થઈ ગયું છે અને અમને ડરાવે છે, એને સળગાવી દો.” બાળકોનો ડર જોઈને ફેનિલે અડધી રાતે ડોલને ઘરની બહાર સળગાવી દીધી.
મનોચિકિત્સક પ્રમાણે, લબુબુ ડોલનો ડરામણો દેખાવ અને તેની આસપાસની વાતો બાળકોના મન પર નકારાત્મક અસર કરી શકે છે. આ ડોલની શેતાની સ્મિત અને મોટી આંખો બાળકોમાં ભયનું કારણ બની શકે છે.
ફેનિલ દેસાઈએ સોશિયલ મીડિયા પર વીડિયો શેર કરીને લોકોને આવા રમકડા ખરીદતા પહેલા સાવધાન રહેવાની સલાહ આપી છે. આ ઘટના પહેલા પણ સુરતની ઇન્ફ્લુએન્સર ભૂમિ પટેલે લબુબુ ડોલના ડરામણા અનુભવનો વીડિયો શેર કર્યો હતો, જેમાં તેમણે ડોલને સળગાવી દીધી હતી.
આપણ વાંચો: વોડાફોન-આઈડિયાને તાળા લાગશે? કરોડો ગ્રાહકોને અસર થશે; સરકાર સામે હાથ ફેલાવ્યો…
શું છે લબુબુ ડોલ?
લબુબુ ડોલ 2015માં હોંગકોંગના કલાકાર કાસિંગ લંગ દ્વારા નોર્ડિક પરીકથાઓથી પ્રેરાઈને બનાવવામાં આવી હતી. તેનો દેખાવ આકર્ષક અને ડરામણો છે, જે તેની ખાસિયત છે. ચીની કંપની Pop Martએ 2019માં આ ડોલને ‘બ્લાઇન્ડ બોક્સ’ ફોર્મેટમાં લોન્ચ કરી, જેમાં ખરીદનારને બોક્સ ખોલ્યા બાદ જ ડોલની ડિઝાઇનની ખબર પડે છે.
આ ‘લકી ડ્રો’ ફોર્મેટે લબુબુની લોકપ્રિયતાને વધારી, અને લોકો ખાસ કે લિમિટેડ આવૃત્તિની ડોલ મેળવવા વારંવાર ખરીદી કરે છે.
આ ઘટનાઓ બાળકો માટે રમકડાની પસંદગીમાં સાવધાનીનું મહત્વ દર્શાવે છે. લબુબુ ડોલનો ડરામણો દેખાવ બાળકોના નાજુક મન પર ખરાબ અસર કરી શકે છે.
ફેનિલ અને ભૂમિ પટેલના અનુભવો બાદ લોકોને આવા રમકડા ખરીદતા પહેલા તેની ડિઝાઇન અને મનોવૈજ્ઞાનિક અસરો વિશે વિચારવાની સલાહ આપવામા આવે છે. આ ઘટનાએ રમકડાની ડિઝાઇન અને તેના મનોવૈજ્ઞાનિક પ્રભાવ પર ચર્ચાને વેગ આપ્યો છે.
