ડાંગ, આહવાઃ ગંભીરા બ્રિજ દુર્ઘટના બાદ હવે રાજ્યના અન્ય બ્રિજોને લઈને પણ અનેક સવાલો થઈ રહ્યાં છે. બીલીમોરા-વઘઈ નેરોગેજ ટ્રેનનો અંબિકા નદી પર 112 વર્ષ જૂનો બ્રિજ પણ અત્યારે ચર્ચાનું કેન્દ્ર બન્યો છે. આ બ્રિજ હવે બિસ્માર હાલતમાં છે. ગમે ત્યારે આ બ્રિજ કોઈ મોટી દુર્ઘટનાનું કારણ પણ બની શકે તેમ છે. આ બ્રિજ પરથી એક દિવસમાં ચાર ટ્રેન પસાર થયાં છે. ડાંગ જિલ્લામાં આવેલી બીલીમોરા-વઘઈ નેરોગેજ ટ્રેનનો 63 કિમી લાંબો ટ્રેક અને ખાસ કરીને અંબિકા નદી પરનો બ્રિજ જે જર્જરિત હાલતમાં છે તે જોખમનું કારણે બન્યો છે. આ મામલે જવાબદાર વિભાગ સત્વરે સમારકામ કરવાની આવશ્યકતા છે.
જો કોઈ દુર્ઘટના બનશે તો કોણ જવાબદારી લેશે?
અંબિકા નદી પર બનેલા આ બ્રિજની હાલત એવી છે કે, તેના લાકડાના સ્લીપર પણ આખા સડી ગયા છે. અત્યારે માત્ર ખીલા જ બહાર દેખાઈ રહ્યાં છે. આવી સ્થિતિમાં જો કોઈ દુર્ઘટના બનશે તો કોણ જવાબદારી લેશે? અહીંથી રોજ ચાર વખત પેસેન્જર ટ્રેન પસાર થયા છે. આ બ્રિજ અત્યંત જર્જરિત હાલતમાં હોવાથી સ્થાનિકો દ્વારા માંગણી કરવામાં આવી છે.
112 વર્ષ જુનો બ્રિજ અત્યારે અત્યંત જોખમી હાલતમાં
અંબિકા નદી પરનો બ્રિજની વાત કરવામાં આવે તો, આ બ્રિજ 1913માં બનાવવામાં આવ્યો હતો. આ બ્રિજને અત્યારે 112 વર્ષ થઈ ગયાં છે. આ બ્રિજ 100 વર્ષથી પણ વધારે વર્ષ સુધી ટકી રહ્યો તે મોટી વાત છે પરંતુ અત્યારે આ બ્રિજ અત્યંત જોખમી હાલતમાં છે. જેથી તેનું સમારકામ થવું જરૂરી છે. કારણ કે, ટ્રેકને પકડી રાખનારા લાકડાના સ્લીપર સડી ગયા અને ખીલા બહાર દેખાઈ રહ્યાં છે. આ બ્રિજની સલામતી અંગે અત્યારે સવાલો થઈ રહ્યાં છે. બ્રિજ અત્યારે એકદમ નબળી સ્થિતિમાં છે.
આપણ વાંચો: મુંબઈ સમાચારના ધારદાર અહેવાલની અસર! દેરોલ બ્રિજ હવે ભારે વાહનો માટે બંધ
ડીઆરએમે યુદ્ધના ધોરણે સમારકામ માટે સૂચનાઓ આપી
મળતી વિગતો પ્રમાણે આ બ્રિજ પરથી ટ્રેનને માત્ર 10 કિલોમીટર પ્રતિ કલાકની ઝડપે જ ટ્રેન ચલાવવાનો આદેશ આપવામાં આવલો છે. કારણ કે, ગત 7મી જુલાઈએ વેસ્ટર્ન રેલવેના ડીઆરએમ પંકજ સિંઘે આ ટ્રેકનું નિરીક્ષણ કર્યું હતું. નિરીક્ષણ દરમિયાન બ્રિજની હાલત જોઈને યુદ્ધના ધોરણે સમારકામ માટે સૂચનાઓ આપી દીધી હતી. આ ટ્રેન ઉપયોગ સ્થાનિકો અને પ્રવાસીઓ પણ મોટા પ્રમાણમાં કરતા હોય છે. જેથી વહેલી તકે આ બ્રિજ અને ટ્રેકનું સમારકામ કરવામાં આવે તેવી માંગ કરવામાં આવી છે.
