ઇન્ટરનેશનલમનોરંજન

ઘરના રિનોવેશનની કામગીરીમાં ઢળી પડ્યો આ એક્ટર: ગંભીર ઇજાઓને કારણે થયું અવસાન

સાઓ પાઉલો: નિકલોડિયનના પ્રખ્યાત શો જેવા કે ‘નિકી, રિકી, ડિકી ઔર ડોન’ અને ‘ગો, ડોગ, ગો!’ માં અવાજની ભૂમિકાઓ માટે જાણીતા પ્રખ્યાત બ્રાઝિલિયન અભિનેતા અને વૉઇસ-ઓવર આર્ટિસ્ટ ટોની જર્મનો હવે નથી રહ્યા. 55 વર્ષની વયે તેમનું સાઓ પાઉલોમાં તેમના ઘરે અવસાન થયું. આંતરરાષ્ટ્રીય મીડિયાના રિપોર્ટ મુજબ, ટોની જર્મનોનું મૃત્યુ તેમના ઘરના રિનોવેશન દરમિયાન થયેલા એક ગંભીર અકસ્માતને કારણે થયું છે.

ટોની જર્મનો ગંભીર રીતે ઘાયલ થયા

મીડિયા સૂત્રો પાસેથી મળતી માહિતી મુજબ, ટોની જર્મનો સાઓ પાઉલોમાં તેમના માતા-પિતાના ઘરે રહેતા હતા, જ્યાં રિનોવેશનનું કામ ચાલી રહ્યું હતું. આ દરમિયાન તેઓ સંતુલન ગુમાવી બેઠા હતા અને નીચે ઢળી પડતા હતા. પરિણામે તેઓ ગંભીર રીતે ઘાયલ થયા હતા. આ ગંભીર ઈજાઓમાંથી સ્વસ્થ ન થઈ શકવાના કારણે તેમનું દુઃખદ અવસાન થયું છે.

બ્રાઝિલિયન અભિનેતા મિગુએલ ફાલાબેલાએ ટોની જર્મનોના અવસાન પર શોક વ્યક્ત કર્યો છે. તેમણે ટોનીની તસવીર શેર કરીને શ્રદ્ધાંજલિ આપી અને લખ્યું કે, ટોની જર્મનો “એક નિર્વિવાદિત પ્રોફેશન, એક પ્રિય મિત્ર, એક પ્રતિભાશાળી અભિનેતા” હતો. તેમણે ‘એની’ અને ‘મેન ઓફ લા માન્ચા’ જેવા નિર્માણમાં સાથે કામ કરવાનો અનુભવ યાદ કર્યો અને કહ્યું કે, “પ્રિય મિત્ર, તારી ખોટ હંમેશા સાલશે.”

ટોની જર્મનોની કારકિર્દી

ઉલ્લેખનીય છે કે, ટોની જર્મનો એક જાણીતા વૉઇસ-ઓવર કલાકાર, અભિનેતા અને હાસ્ય કલાકાર હતા. તેમણે અસંખ્ય પ્રશંસનીય પ્રોજેક્ટ્સમાં કામ કર્યું હતું. ટોની જર્મનોની નોંધપાત્ર અભિનય ભૂમિકાઓમાં ‘As Nupcías de Dracula’ (2018), ‘Labyrinth of Lost Boys’ (2025), અને ‘An Unforgettable Year: Autumn’ (2023)નો સમાવેશ થાય છે. તેમણે ‘Elena of Avalor’ અને ‘The Muppets’ જેવા પ્રોજેક્ટ્સમાં પણ પોતાનો અવાજ આપ્યો હતો.

આપણ વાંચો:  ‘તેરે ઇશ્ક મેં…’ ફિલ્મે બે દિવસમાં કર્યું 33 કરોડનું કલેક્શન: જાણો કેવી છે ફિલ્મની સ્ટોરી

Mumbai Samachar Team

એશિયાનું સૌથી જૂનું ગુજરાતી વર્તમાન પત્ર. રાષ્ટ્રીયથી લઈને આંતરરાષ્ટ્રીય સ્તરના દરેક ક્ષેત્રની સાચી, અર્થપૂર્ણ માહિતી સહિત વિશ્વસનીય સમાચાર પૂરું પાડતું ગુજરાતી અખબાર. મુંબઈ સમાચારના વરિષ્ઠ પત્રકારવતીથી એડિટિંગ કરવામાં આવેલી સ્ટોરી, ન્યૂઝનું ડેસ્ક. મુંબઇ સમાચાર ૧ જુલાઇ, ૧૮૨૨ના દિવસે શરૂ કરવામાં આવ્યું ત્યારથી આજદિન સુધી નિરંતર પ્રસિદ્ધ થતું આવ્યું છે. આ… More »

સંબંધિત લેખો

Back to top button