માધુરી દિક્ષીત, અજય દેવગણ અને પ્રીટિ ઝિન્ટા પણ ફ્લોપ થતી નહીં બચાવી શક્યા આ ફિલ્મને…
બોલીવૂડમાં અનેક એવી ફિલ્મો જોઈ હશે કે જેમાં એકથી ચઢિયાતા એક કલાકાર હોય અને તેમ છતાં ફિલ્મ બોક્સ ઓફિસ પર ખૂબ જ ખરાબ રીતે પીટાઈ ગઈ હોય. આજે અમે અહીં આવી જ એક ફિલ્મ વિશે તમને જણાવવા જઈ રહ્યા છીએ. ચોંકાનારી વાત તો એ છે કે અમે અહીં જે ફિલ્મની વાત કરી રહ્યા છીએ એ ફિલ્મનું નામ છે યે રાસ્તે હૈ પ્યાર કે… 2001માં આવેલી આ ફિલ્મની સ્ટારકાસ્ટ એટલી દમદાર હતી કે તેના પોસ્ટર ભરાઈ ગયા હતા અને તેમ છતાં આ ફિલ્મ પીટાઈ ગઈ છે. વર્ષો બાદ આજે પણ આ ફિલ્મ ફ્લોપ થવાની સ્ટોરી ફિલ્મ પ્રેમીઓને હેરાન કરી નાખનારી છે.
વાત કરીએ ફિલ્મ યે રાસ્તે હૈ પ્યાર કેની તો આ ફિલ્મમાં માધુરી દીક્ષિત, પ્રીટિ ઝિન્ટા અને અજય દેવગણ સહિતના કલાકારો હતા. આટલી દમદાર સ્ટારકાસ્ટ હોવા છતાં પણ ફિલ્મ બોક્સ ઓફિસ પર ખરાબ રીતે પીટાઈ ગઈ હતી. આ પ્રોજેક્ટને એક કમર્શિયલ એન્ટરટેઈનર તરીકે દેખાડવામાં આવી હતી જેમાં દિલ તૌ પાગલ હૈની માધુરી દિક્ષીત અને કરિશ્મા કપૂરની જોડીને ફરી એક વખત સ્ક્રીન પર દર્શાવવાની પ્લાનિંગ હતી. પરંતુ આ પ્લાન ફેઈલ થઈ ગયો.
આ પણ વાંચો : ‘તેરે ઇશ્ક મેં…’ ફિલ્મે બે દિવસમાં કર્યું 33 કરોડનું કલેક્શન: જાણો કેવી છે ફિલ્મની સ્ટોરી
આખરે જે રોલ માટે કરિશ્મા કપૂર પહેલી પસંદ હતી અને આખરે એ રોલ પ્રીટિ ઝિન્ટાને ઓફર કરવામાં આવ્યો. આ કારણે લોકોમાં આ ફિલ્મનો ક્રેઝ ઓછો થઈ ગયો. આ સિવાય પણ આ ફિલ્મ ફ્લોપ થઈ એનું કારણ હતી તેની ગડબડ થઈ ગયેલી ટાઈમિંગ. ફિલ્મ યે રાસ્તે હૈ પ્યાર કે સાથે જ આમિર ખાનની ફિલ્મ દિલ ચાહતા હૈ પણ રીલિઝ થઈ હતી અને તે એક કલ્ટ ફિલ્મ બની ગઈ.
યે રાસ્તે હૈ પ્યાર કે ફિલ્મને રીલિઝ કરવામાં થયેલો વિલંબ પણ ફિલ્મ ફ્લોપ થવાનું એક પ્રમુખ કારણ છે. 1998માં જ આ ફિલ્મના ગીત આવી ગયા હતા, પરંતુ ફિલ્મ 2001માં એટલે કે ત્રણ વર્ષ બાદ રીલિઝ થઈ. એ સમયે આટલો વિલંબ ખૂબ જ ઓછી ફિલ્મોમાં થયો હતો અને એને કારણે પણ તેનું મહત્ત્વ ઓછું થઈ ગયું હતું. આઠ કરોડ રૂપિયાના ખર્ચે બનેલી આ ફિલ્મે બોક્સ ઓફિસ પર 14.55 કરોડ રૂપિયાનો જ વકરો કર્યો હતો.
