મુંબઈઃ કપૂર ખાનદાનના વારસદાર રણબીર કપૂર અત્યારે આલિયા ભટ્ટ સાથે સુખી લગ્નજીવનનો આનંદ માણી રહ્યો છે. બંનેને રાહા નામની દીકરી છે, પરંતુ આલિયા પહેલા રણબીર દીપિકા પાદુકોણ અને કેટરિના કૈફ જેવી અભિનેત્રીઓ સાથે રિલેશનશિપમાં રહ્યો હોવાનું કહેવાય છે. રણબીર-કેટરિનાએ ક્યારેય પોતાના સંબંધો વિશે ખુલ્લેઆમ વાત કરી નહોતી, પરંતુ એક સમયે તેમના અફેરની ઈન્ડસ્ટ્રીમાં ખૂબ ચર્ચા થઈ હતી.
તેમની લવ સ્ટોરી 2009માં ‘અજબ પ્રેમ કી ગઝબ કહાની’માં કામ કરતી વખતે શરૂ થઈ હતી. તેમનો સંબંધ 7 વર્ષ સુધી ચાલ્યો અને પછી તૂટી ગયો, પરંતુ તે દિવસોમાં, કરીનાએ કેટરિનાને પોતાની ‘ભાભી’ તરીકે સ્વીકારી લીધી હતી. તેણે એક રિયાલિટી શો દરમિયાન અભિનેત્રીને ‘ભાભી’ પણ કહી હતી.
કરીના કપૂરે કરણ જોહરના લોકપ્રિય રિયાલિટી શો ‘કોફી વિથ કરણ’ના એક એપિસોડમાં તેના પિતરાઈ ભાઈ રણબીર કપૂર સાથે ભાગ લીધો હતો. આ દરમિયાન તેણે એક કેઝ્યુઅલ વાતચીતમાં રણબીર કપૂરની પોલ ખોલી હતી.
શો દરમિયાન કરીનાએ કેટરિનાને ભાભી કહીને સંબોધી હતી. કરીનાએ કેટરિનાને ભાભી કહીને બોલાવતા જ રણબીર આશ્ચર્યચકિત થઈ ગયો અને હસવા લાગ્યો હતો. કરણ જોહર પણ પોતાના હાસ્યને કાબૂમાં રાખતો જોવા મળ્યો હતો.
શોના રેપિડ ફાયર રાઉન્ડ દરમિયાન કરણ જોહરે કરીનાને કેટલાક પ્રશ્નો પૂછવાનું શરૂ કર્યું. આ દરમિયાન તેણે અભિનેત્રીને પૂછ્યું કે જો બોલીવુડમાં કોઈ મહિલા સાથે તમારો ગે એન્કાઉન્ટર થાય, તો તમે કોને પસંદ કરશો.
આ પ્રશ્ન સાંભળીને, કરીના થોડી મૂંઝવણમાં મુકાઈ જાય છે અને પછી કહે છે કે તે તેની ભાભી કેટરિના કૈફ સાથે જવાનું પસંદ કરશે. કરીનાના મોઢેથી કેટરિના માટે ‘ભાભી’ શબ્દ સાંભળીને રણબીર પણ આશ્ચર્યચકિત થઈ જાય છે.
જ્યારે કરણ જોહર રણબીરને આ અંગે પૂછે છે, ત્યારે અભિનેતા જવાબ આપે છે કે તેના મગજમાં ફક્ત એક જ શબ્દ અટવાયેલો છે અને તે છે ‘ભાભી’. તમને જણાવી દઈએ કે, રણબીર કપૂર અને કેટરિના કૈફે લગભગ 7 વર્ષ સુધી એકબીજાને ડેટ કર્યા પછી બંનેનું બ્રેકઅપ થઈ ગયું હતું. હવે બંને પોતાના જીવનમાં આગળ વધી ગયા છે.
