મુંબઈ: તેલુગુ ફિલ્મ ઉદ્યોગના લોકપ્રિય અભિનેતા વિજય દેવરકોંડા સાથે ગઈકાલે એક રોડ અકસ્માત સર્જાયો હતો. આ અકસ્માતને લઈ આજે પહેલી પ્રતિક્રિયા આપી છે. અકસ્માતની જાણ થતાની સાથે વિજયના ફેન્સમાં ચિંતાનું મોજુ ફરી વળ્યું હતુું. જ્યારે હવે તેની પહેલી પ્રતિક્રિયા બાદ વિજયના ફેન્સે હાશકરો અનુભવ્યો છે.
વિજયે આપી આરોગ્યની અપડેટ
વિજય દેવરકોંડાએ તેના એક્સ (અગાઉ ટ્વિટર) એકાઉન્ટ પર પોતાની પરિસ્થિતિને લગતી એક પોસ્ટ લખી હતી. તેણે લખ્યું કે તે બરાબર છે અને ચાહકોએ ટેનશન લેવાની જરૂર નથી. “કાર ભટકાઈ, પણ અમે બધા સલામત છીએ. મારા માથામાં નાની ઈજા થઈ છે, જેનાથી થોડું દુખાવો છે, આરામથી બધુ બરાબર થઈ જશે”.
વિજય સાથે આ ઘટના તેલંગાણાના જોગુલમ્બા ગડવાલ જિલ્લામાં હૈદરાબાદ-બેંગલુરુ હાઈવે પર બની હતી. વિજય તેના પરિવાર સાથે પુટ્ટપર્થીના પ્રશાંતિ નિલયમ આશ્રમમાં સાંઈ બાબાની મહાસમાધિના દર્શન કરવા ગયા હતા. હૈદરાબાદ પરત ફરતી વખતે તેમની લેક્સસ LM350 કારને અકસ્માત નડ્યો હતો. જો કે ટક્કર મારી અન્ય વાહન ચાલક ફરાફર થયો હતો. પરંતુ આ ઘટનામાં વિજય સહિત તેના પરિવારના સામાન્ય ઈજા પહોંચી હતી. જ્યારે સદનસીબ ગંભીર ઘટના બની ન હતી.
આ ઘટના દરમિયાન વિજયની એક તસવીર સોશિયલ મીડિયા પર વાયરલ થઈ, જેમાં તેમના હાથમાં સગાઈની રીંગ જોવા મળી. આથી અભિનેત્રી રશ્મિકા મંદન્ના સાથે તેમની સગાઈની ચર્ચાઓ શરૂ થઈ. એવું કહેવાય છે કે બંનેએ ગયા અઠવાડિયે ચૂપચાપ સગાઈ કરી લીધી, અને આવતા વર્ષે ફેબ્રુઆરીમાં લગ્ન કરવાની યોજના છે. જોકે, આ વિશે હજુ સુધી કોઈ સત્તાવાર જાહેરાત કરવામાં આવી નથી. બીજી તરફ, વિજયના ડ્રાઈવરે ટક્કર મારનાર વાહન ચાલક સામે ફરિયાદ નોંધાવી છે, અને પોલીસે તપાસ શરૂ કરી છે.
આ પણ વાંચો…હૈદરાબાદ-બેંગલુરૂ હાઈવે પર અભિનેતા વિજય દેવરકોંડાને નડ્યો અકસ્માત, ફેન્સ થયા ચિંતિત…
