ચાર દિવસમાં સ્ત્રી-2 પહોંચી ગયું 300 કરોડના ક્લબમાં, ઑવરસિઝ કલેક્શન પણ જબરજસ્ત
રાજકુમાર રાવ અને શ્રદ્ધા કપૂરની 2018ની ફિલ્મ સ્ત્રીની સિક્વલ ફિલ્મ સ્ત્રી-2એ બૉક્સ ઓફિસ પર તરખાટ મચાવ્યો છે. ચાર દિવસમાં ફિલ્મએ 283 કરોડ રૂપિયા તો કમાઈ લીધા છે અને આજે પાંચમો દિવસ અને રક્ષાબંધનની રજા છે તેથી આ ફિલ્મ રૂ. 300 કરોડને તો પાર કરી જ ગઈ છે, તેમ કહેવું ખોટું નથી.
નિર્દેશક અમન કૌશિકની ફિલ્મની રિલિઝ 15મી ઑગસ્ટની રજાને ધ્યાનમાં રાખીને ગુરુવારે રિલીઝ કરવામાં આવી હતી. પહેલા દિવસે જ ફિલ્મએ બમ્પર 70 કરોડની કમાણી કરી નાખી હતી અને ફિલ્મના રિવ્યુ ખૂબ જ સરસ આવતા ફિલ્મ રેકોર્ડ બ્રેક કરી નાખશે તેમ લાગતું હતું અને તેવું થયું છે. ફિલ્મએ ચાર દિવસમાં રૂ. 283 કરોડ રૂપિયા કમાઈ લીધા છે. ફિલ્મને માત્ર ભારતમાં જ નહીં, વિદેશમાં પણ સારો રિસ્પોન્સ મળ્યો છે. ફિલ્મનું ઑવરસિઝ કલેક્શન રૂ. 43 કરોડ છે. ભારતમાં ફિલ્મએ ગઈકાલના આંકડા પ્રમાણે રૂ. 204 કરોડ કમાયા છે અને આ વરસાદ અવિરત ચાલુ જ છે.
આ પણ વાંચો : જ્યારે શ્રદ્ધા કપૂરના રૂમમાંથી ચોરાઇ કિંમતી વસ્તુ…..
ફિલ્મમાં પંકજ ત્રિપાઠી, અભિષેક બેનર્જી સહિતના કલાકારોનો અભિનય પણ ખૂબ વખણાયો છે. સાવ જ સીધીસાદી ગામડાના જીવન પર આધારિત કૉમેડી હૉરર ફિલ્મની બન્ને સિક્વલે અપેક્ષા કરતા વધારે જ ફાયદો નિર્માતા સહિત સૌને કરાવ્યો છે.
ફિલ્મ સાથે રિલીઝ થયેલી અક્ષય કુમારની ખેલ ખેલ મે અને જ્હોન અબ્રાહમની વેદા ધીમી ગતિએ ચાલી રહી છે.