‘હેરા ફેરી 3’માં ‘બાબુ ભૈયા’ બનવા અંગે પંકજ ત્રિપાઠીએ આપ્યું નિવેદન, હું તો પરેશ રાવલ સામે…
જ્યારથી આ સમાચાર આવ્યા છે કે અભિનેતા પરેશ રાવલ ફિલ્મ ‘હેરા ફેરી 3’ છોડી રહ્યા છે, ત્યારથી ચાહકોએ પ્રિયદર્શનની કોમેડી ફિલ્મમાં આગામી બાબુ ભૈયા કોણ હોઈ શકે છે તે અંગે સૂચનો આપવાનું શરૂ કરી દીધું છે. લોકો જુદા જુદા નામો પર અટકળો લગાવી રહ્યા છે. આ પાત્ર માટે અભિનેતા પંકજ ત્રિપાઠીનું નામ પણ યોગ્ય માનવામાં આવી રહ્યું છે, પરંતુ શું તે પરેશનું સ્થાન લેશે? પંકજે પણ તાજેતરના એક ઇન્ટરવ્યુમાં આનો જવાબ આપ્યો છે. ચાલો જાણીએ શું કહ્યું?
એક ઇન્ટરવ્યુમાં ગેંગ્સ ઓફ વાસેપુરના અભિનેતાને પૂછવામાં આવ્યું કે સોશિયલ મીડિયા પર લોકો તેમને ‘હેરા ફેરી 3’માં કાસ્ટ કરવા માટે સૂચન કરી રહ્યા છે તેના વિશે તેમનું શું કહેવું છે. પંકજ ત્રિપાઠીએ કહ્યું, ‘મેં પણ આ વાત સાંભળી અને વાંચી છે. પણ મને માનવામાં નથી આવતું. પરેશજી એક અદ્ભુત અભિનેતા છે. તેની સામે હું શૂન્ય છું. હું તેમનો ખૂબ આદર કરું છું. મને નથી લાગતું કે હું આ ભૂમિકા માટે યોગ્ય વ્યક્તિ છું.
આ પણ વાંચો: પરેશ રાવલને ‘બાબુરાવ’થી નફરત કેમ થઈ? ‘હેરા ફેરી 3’ છોડવા પાછળનું ચોંકાવનારું કારણ!
અહેવાલ મુજબ મંગળવારે અભિનેતા અક્ષય કુમારે તેમના પ્રોડક્શન હાઉસ કેપ ઓફ ગુડ ફિલ્મ્સ દ્વારા પરેશ રાવલને કાનૂની નોટિસ મોકલી છે. જેમાં બિનવ્યાવસાયિક વર્તન બદલ 25 કરોડ રૂપિયાના નુકસાનનો દાવો કરવામાં આવ્યો છે અને એવું કહેવામાં આવ્યું છે કે પરેશે કાનૂની કરાર પર હસ્તાક્ષર કર્યા બાદ ફિલ્મનું શૂટિંગ અધવચ્ચે જ છોડી દીધું છે.
રવિવારે પરેશે X પર પુષ્ટિ કરી હતી કે દિગ્દર્શક પ્રિયદર્શન સાથે સર્જનાત્મક મતભેદોને કારણે તેણે ફિલ્મ છોડી નથી. તેમણે લખ્યું, ‘હું એ વાત રેકોર્ડ પર રાખવા માંગુ છું કે હેરા ફેરી 3 થી દૂર રહેવાનો મારો નિર્ણય સર્જનાત્મક મતભેદોને કારણે નથી. મને ફિલ્મના દિગ્દર્શક પ્રિયદર્શન માટે અપાર પ્રેમ, આદર અને વિશ્વાસ છે.