સોફી ચૌધરી સોશિયલ મીડિયા પર ટ્રોલર્સનો શિકાર બનીઃ અભિનેત્રીએ આપ્યો જડબાતોડ જવાબ, જાણો મામલો
જાણીતી સિંગર અને એક્ટ્રેસ સોફી ચૌધરી મ્યુઝિક, ફિલ્મ્સ અને લાઇવ એન્ટરટેનમેન્ટની દુનિયામાં એક જાણીતું નામ છે. સોફી ચૌધરી જાણીતી હોવા છતા સોશિયલ મીડિયા યુઝર્સ ઘણીવાર તેના કામ અને ઓળખ પર સવાલો ઉઠાવ્યા હતા. તાજેતરમાં સોફી ચૌધરીએ સોશિયલ મીડિયા પર ટ્રોલ થયા પછી ગુસ્સે થઈને ટ્રોલર્સને સણસણતો જવાબ આપ્યો હતો.
સોફી ચૌધરીએ ઉદયપુરમાં જાણીતા ઉદ્યોગપતિ નેત્રા મંટેના અને વામશી ગદિરાજુના લગ્નમંડપમાંથી પોપ સ્ટાર જેનિફર લોપેઝ (JLO) સાથેની બેકસ્ટેજની તસવીર X (અગાઉનું ટ્વિટર) પર શેર કરી, જ્યાં બંનેએ સાથે પરફોર્મ કર્યું હતું.
સોફીએ X પર જેનિફર લોપેઝ (JLO) સાથેનો પોતાનો ફોટો શેર કરતા લખ્યું હતું કે, “જેનિફર લોપેઝ… એક એવી કલાકાર જેને હું છેલ્લા 20 વર્ષથી પસંદ કરું છું અને જેનાથી પ્રેરિત છું. એના મ્યુઝિક વીડિયોઝ, સ્ટાઇલ અને ફિલ્મો, બધું જ આઇકોનિક છે. આ તસવીર પર એક યુઝરે JLOના આઉટફીટ અને ઉંમર વિશે ટિપ્પણી કરી હતી, જ્યારે તેની સામે સોફીએ વળતો જવાબ આપતા લખ્યું હતું અરે… તે તો 20 વર્ષના પરફોર્મર્સ કરતાં પણ સારી દેખાય છે. જો તે આત્મવિશ્વાસથી ભરપૂર અને તેના ફેન્સને કોઈ પ્રોબ્લમ ન હોય, તો તને શા માટે મુશ્કેલી છે?
JLOને લઈને થયેલી આ ચર્ચા પછી ટિપ્પણી કરવામાં આવી હતી, જ્યારે બીજા એક યુઝરે સોફી ચૌધરીને સીધો સવાલ કર્યો હતો કે તે કોઈ કામ કર્યા વિના બોલીવુડમાં કેવી રીતે ટકી રહી? જ્યારે અન્ય યુઝરે ટિપ્પણી કરી યાર સોફી, મને આજ સુધી સમજાયું નથી કે તમે બોલીવુડમાં ફિલ્મો, વેબ-શો કે ગીતો કર્યા વગર કેવી રીતે ટકી રહ્યાં?
તમે ભાગ્યે જ ક્યારેક દેખાઓ છો, તો પછી બોલીવુડમાં ટકી રહેવાનું કેવી રીતે મેનેજ કર્યું?” આ સીધો સવાલ સાંભળીને સોફીએ સમય બગાડ્યા વિના તેનો જવાબ આપ્યો અને જણાવ્યું કે તેનું કરિયર ખરેખર ક્યાં વિકસ્યું છે.
Jennifer Lopez…An artist I absolutely adore and am hugely inspired by since more than 2 decades!! Her on stage fire, her discipline , her music videos, her style, so many of her movies…just Iconic! #jlo #JenniferLopez pic.twitter.com/iO5TEUivjn
— Sophie C (@Sophie_Choudry) November 26, 2025
સોફી ચૌધરીએ ટ્રોલરને સ્પષ્ટ જવાબ આપતા કહ્યું કે હું લાઇવ શોના માર્કેટમાંથી સર્વાઇવ કરું છું. છેલ્લા 17 વર્ષથી હું કોર્પોરેટ અને વેડિંગ શો માટે વ્યસ્ત લાઇવ સિંગર છું. હું લાઇવ ઇવેન્ટ્સની નંબર વન ફીમેલ હોસ્ટ પણ છું. માત્ર એટલા માટે કે તમે મને સ્ક્રીન પર નથી જોતા. એનો અર્થ એ નથી કે મેં બીજે ક્યાંય મારું સ્થાન બનાવ્યું નથી.
જો તમે ભારતમાં ટોપ 10 અભિનેત્રીઓમાં ન હોય તો ફિલ્મોમાંથી પૈસા મળતા નથી. આ વાત મેં ઘણા સમય પહેલા સમજી લીધી હતી અને ભગવાનનો આભાર માનું છું.” સોફી ચૌધરી ‘શાદી નં. 1’, ‘પ્યાર કે સાઈડ ઈફેક્ટ્સ’ અને ‘કિડનેપ’ જેવી ફિલ્મોમાં જોવા મળી છે સાથે જ તે MTV ઇન્ડિયાની જાણીતી હોસ્ટ પણ રહી ચૂકી છે અને સોશિયલ મીડિયા પર તેમના 2 મિલિયનથી વધુ ફોલોઅર્સ છે.
