Sonakshi Sinha-Zahir Iqbalના લગ્નમાં બેકગ્રાઉન્ડમાં નાચી રહેલાં આ કાકા કોણ?
શત્રુઘ્ન સિન્હાની દીકરી અને અને બોલીવૂડ એક્ટ્રેસ સોનાક્ષી સિન્હાએ 23મી જૂનના રવિવારે પોતાના બોયફ્રેન્ડ ઝહિર ઈકબાલ સાથે લગ્ન કરી લીધા હતા. સોનાક્ષી-ઝહિરના લગ્નની ખૂબ જ ચર્ચા થઈ રહી છે. સવારે રજિસ્ટર મેરેજ બાદ એ જ દિવસે સાંજે ગ્રાન્ડ પાર્ટીનું આયોજન કરવામાં આવ્યું હતું, જેમાં સોનાક્ષી અને ઝહિર પોતાના મિત્રો સાથે મોજ-મસ્તી કરતાં જોવા મળ્યા હતા.
હવે આ જ પાર્ટીમાંથી એક વીડિયો પણ સામે આવ્યો છે. આ વીડિયોમાં ઝહિર ઈકબાલ પોતાના મિત્રો સાથે ડાન્સ કરતો જોવા મળી રહ્યો છે અને હુમા કુરેશી પણ એમની સાથે જોવા મળી રહી છે. પરંતુ આ વીડિયોના બેકગ્રાઉન્ડમાં જે હરકત થઈ રહી છે એ બધાનું ધ્યાન ખેચી રહી છે. આ વીડિયોમાં ઝહિરની પાછળ કંઈક એવું થઈ રહ્યું છે કે જે જોયા પછી લોકો પોતાનું હસવાનું રોકી શક્યા નહોતા. ચાલો તમને આ વિશે વિસ્તારથી જણાવીએ.
સોશિયલ મીડિયા પર વાઈરલ થઈ રહેલાં આ વીડિયોમાં તમે જોઈ શકો છો કે આગળ ઝહિર ઈકબાલ ડાન્સ કરી રહ્યો છે, પોતાના મિત્રો સાથે ફન મોડમાં છે અને બરાબર એની પાછળ એ બાલ્ડ માણસ અલગ જ સ્ટાઈલમાં ડાન્સ કરી રહ્યો છે. આ વ્યક્તિનો ડાન્સ સ્ટાઈલ ખૂબ જ ક્રેઝી છે અને આસપાસના લોકોની પરવાહ કર્યા વિના જે રીતે આ વ્યક્તિ ડાન્સ કરી રહી છે એ ખરેખર જોવાલાયક છે.
આ પણ વાંચો : મેં Rekha સાથે ખૂબ જ ખરાબ કર્યું, જાણો કોણે કર્યો ચોંકાવનારો ખુલાસો…
વાઈરલ થઈ રહેલાં આ વીડિયોને જોઈને નેટિઝન્સ એવું કહી રહ્યા છે કે આખરે આ માણસ આ રીતે કેમ ડાન્સ કરી રહ્યો છે? તો વળી કેટલાક લોકો એવું પણ પૂછી રહ્યા છે કે ડાન્સ કરી રહેલો આ માણસ આખરે છે કોણ? હાલમાં અજીબોગરીબ ડાન્સ કરી રહેલો માણસ કોણ છે એ અંગે કોઈ માહિતી સામે નથી આવી. આ વ્યક્તિ સોનાક્ષી તરફથી છે કે ઝહિર તરફથી એની કોઈ જ માહિતી નથી મળી રહી.
આ માણસને પોતાની જ મસ્તીમાં ડાન્સ કરતો જોઈને કદાચ સોનાક્ષી અને ઝહિરને પણ હસવું આવી જશે. એક યુઝરે આ વીડિયો પર કમેન્ટ કરતાં લખ્યું છે કે આ તો પોતાની જ ધૂનમાં છે. તો વળી બીજા એક યુઝરે લખ્યું છે કે પીછે તો દેખો પીછે…
