Happy Birthday: સુપરસ્ટાર મમ્મી-પપ્પાની આ દીકરીએ સ્કૂલમાં પોતાનું નામ બદલી નાખ્યું હતું…

આજકાલ ઘણા એવા ફિલ્મસ્ટાર છે જે પોતાના મમ્મી કે પપ્પાના નામનું કમાઈ ખાવા માગે છે. તાજેતરમાં જ જોઈએ તો આઝાદ ફિલ્મના હીરો અમને પોતાની સરનેમ મામા અજય દેવગનના નામ પરથી રાખી છે, જેથી ઈન્ડસ્ટ્રીનું ધ્યાન જલદી પડે, પરંતુ આજે જે હીરોઈનનો બર્થ ડે છે તેણે પોતાના સુપરસ્ટાર પિતા અને એટલી જ ફેમસ મમ્મીના નામથી લોકો તેને ન ઓળખે અને સ્પેશિયલ ટ્રીટમેન્ટ ન આપે એટલે સ્કૂલમાં પોતાનું નામ બદલી નાખ્યું હતું.

Also read : shruti haasan ઉતાવળે એવું પહેરીને બહાર આવી કે પોતે જ હસી પડી….

સ્કૂલમાં પૂજા રામચંદ્રનના નામથી તે જતી હતી. જોકે તે સમયે મમ્મી-પપ્પાનું સ્ટારડમ છુપાવનારી આજે પોતે જ એક સ્ટાર છે. એક્ટિંગ અને સિંગિંગમાં મમ્મી-પપ્પાની જેમ જ નામ કાઢનારી જે પૂજા રામચંદ્રનનો આજે બર્થ ડે તેને આપણે શ્રૃતિ હસનના નામે ઓળખીએ છીએ.

માંજરી આંખ અને સુંદર, નમણી શ્રૃતિનો આજે 39મો બર્થ ડે છે. શ્રૃતિ વર્સટાઈલ સ્ટાર કમલ હસન અને અભિનેત્રી સારિકાનું પહેલું સંતાન છે. જોકે તમને લગભગ ખબર નહીં હોય કે શ્રૃતિનો જન્મ તેનાં માતા-પિતાના લગ્ન પહેલા થયો હતો. કમલ અને સારિકા લીવ ઈન રિલેશનશિપમાં રહેતા હતા અને તે દરમિયાન જ શ્રૃતિનો જન્મ થયો અને ત્યારબાદ બન્નેએ લગ્ન કર્યા હતા.

શ્રૃતિ પોતાની પર્સનલ લાઈફ શેર કરતી હોય છે અને તેણે એક ઈન્ટરવ્યુમાં કહ્યું હતું કે મેં સ્કૂલમાં મારું નામ બદલવાની જીદ પકડી હતી જેથી લોકો મને કલમ હસનની દીકરી તરીકે સ્પેશિયલ ટ્રીટમેન્ટ ન આપે.

Also read : શ્રુતિએ Secret Wedding પર તોડ્યું મૌન અને કહી દીધી આવી વાત…

શ્રૃતિ સાઉથ અને હિન્દી ફિલ્મો માં કામ કરી ચૂકી છે અને સિંગર તરીકે પણ સારી નામના ધરાવે છે. એકસ્ટ્રામેન્ટલ નામનું એક બેંડ પણ તેણે બનાવ્યું છે. દિલ તો બચ્ચા હૈ જી, ગબ્બર ઈઝ બેક, રૉકી હેન્સમ અને વેલકમ બેક ફિલ્મોથી તે હિન્દી સિનેમાજગતમાં પણ જાણીતી બની છે. જોકે શ્રૃતિએ હજુ પિતા જેવું નામ કમાવવાનું બાકી છે.

શ્રૃતિને જન્મદિવસની શુભેચ્છા