Salman Khan મુંબઈના રેલવે સ્ટેશન પર આ શું કરી રહ્યો છે? વીડિયો થયો વાઈરલ…
બોલીવૂડના ભાઈજાન સલમાન ખાન હાલમાં પોતાની આગામી ફિલ્મ સિકંદર (Movie Sikander)ના શૂટિંગમાં વ્યસ્ત છે, પરંતુ આ બધા વચ્ચે સોશિયલ મીડિયા પર સલમાન ખાનનો એક વીડિયો વાઈરલ થઈ રહ્યો છે. આ વીડિયોમાં સલમાન ખાન મુંબઈના એક રેલવે સ્ટેશન પર જોવા મળે છે. હવે તમને પણ એ જાણવાની તાલાવેલી થઈ ગઈ હશે ને કે થોડાક સમયે પહેલાં ભાઈજાન ટેક્સીમાં ટ્રાવેલ કરતો જોવા મળ્યો હતો અને હવે આ રેલવે સ્ટેશન પર માંજરો શું છે? ચાલો તમને જણાવીએ-
હાલમાં સોશિયલ મીડિયા પર સલમાન ખાનનો આ વીડિયો ખૂબ જ ચર્ચામાં છે. આ વીડિયોમાં સલમાન ખાન મુંબઈના રેલવે સ્ટેશન પર જોવા મળે છે. જોકે, આ સમયે તેની સાથે બોડીગાર્ડ્સ પણ જોવા મળી રહ્યા છે. આ સાથે ફેન્સ પણ પોતાના ફેવરેટ સ્ટારની એક ઝલક જોવા માટે ઉત્સુક જોવા મળી રહ્યા છે.
એવું કહેવાઈ રહ્યું છે કે સલમાન ખાન પોતાની આગામી ફિલ્મ સિકંદરની શૂટિંગ માટે પહોંચ્યો હતો. સલમાન ખાન વીડિયોમાં રેલવે સ્ટેશન પર ચાલતો જોવા મળી રહ્યો છે. આ સમયે સલમાનની સામે કેટલાક લોકો ચાલતા જોવા મળી રહ્યા છે. આ લોકો સલમાનના બોડીગાર્ડ્સ હોવાનું કહેવાઈ રહ્યું છે. કેમેરામાં દૂર ઊભેલાં પોલીસ પણ જોવા મળી રહ્યા છે.
સોશિયલ મીડિયા પર એક ફેને આ વીડિયો શેર કરતાં લખ્યું છે કે એઆર મુરુગદાસ 1000 કરોડ રૂપિયાની ફિલ્મ આપવા જઈ રહ્યા છે. ફેન્સ પણ સોશિયલ મીડિયા પર ભાઈજાનનો આ વીડિયો જોઈને એકદમ ઉત્સાહમાં આવી ગયા છે. વીડિયોમાં પણ ફેન્સ પણ સલમાનને જોઈને તેના નામની બૂમો પાડી રહ્યા છે તો સલમાન પણ ફેન્સને શોટ્સની વચ્ચે હાથ મિલાવીને તેમને ગ્રીટ કરી રહ્યા છે.
આ પણ વાંચો : જામનગર મૉલમાં સલમાન ખાનને જોઇને લોકો….
સલમાન ખાનની ફિલ્મ સિકંદર આ વર્ષે માર્ચ મહિનામાં રિલીઝ થવા જઈ રહી છે. આ ફિલ્મમાં તેની સાથે કાજલ અગ્રવાલ, રશ્મિકા મંદાનાસ સત્યરાજ, શરમન જોશી અને પ્રતિક બબ્બર પણ લીડ રોલમાં જોવા મળશે. સિકંદર ફિલ્મ થિયેટરમાં 28મી માર્ચ, 2025ના રિલીઝ થવા જઈ રહી છે.