મુંબઈ: સલમાન ખાન બોલીવૂડનું જાણીતું નામ છે. છેલ્લા કેટલાક સમયથી તેઓને લોરેન્સ બિશ્નોઈની ગેંગ તરફથી ધમકીઓ મળી રહી છે. જેને લઈને સલમાન ખાન સાવધાન થઈ ગયો છે. જોકે હવે તેણે પોતાની સલામતીને ધ્યાનમાં એક બુલેટપ્રુફ કાર વસાવી લીધી છે. જેની કિંમત જાણીને તમારા હોંશ ઊડી જશે.
સલમાન ખાને ખરીદી બુલેટપ્રુફ મર્સિડીઝ
સલમાન ખાન લક્ઝુરિયસ લાઈફસ્ટાઈલ જીવતી ફિલ્મી હસ્તીઓ પૈકીના એક છે. તેમની પાસે અનેક લક્ઝુરિયસ કાર છે. જેમા હવે વધુ એક કારનો વધારો થયો છે. પોતાની સલામતીને ધ્યાનમાં રાખીને સલમાન ખાને બુલેટપ્રુફ મર્સિડીઝ-મેબૈક GLS 600 એસયુવી કાર ખરીદી છે. શાનદાર લૂક અને અવનવા ફિચર્સ ધરાવતી આ કારની કિંમત 3.40 કરોડ છે.
મેબૈક GLS 600 એસયુવીની ખાસિયત
બુલેટપ્રુફ મર્સિડીઝ-મેબૈક GLS 600 એસયુવી કાર 4.0-લિટર ટ્વીન-ટર્બોચાર્જ્ડ V8 પેટ્રોલ એન્જિન ધરાવે છે. કાર સાથે 48V માઇલ્ડ-હાઇબ્રિડ સિસ્ટમ સાથે જોડાયેલી છે. 4MATIC ઓલ-વ્હીલ ડ્રાઇવ અને 9-સ્પીડ ઓટોમેટિક ગિયરબોક્સથી સજ્જ આ કાર બુલેટપ્રુફ મર્સિડીઝ 250 કિમી/કલાકની ટોપ સ્પીડ ધરાવે છે.
કપીલના શોમાં મુખ્ય મહેમાન બન્યો સલમાન
ઉલ્લેખનીય છે કે, સલમાન ખાન છેલ્લે સિકંદર ફિલ્મમાં જોવા મળ્યો હતો. પરંતુ આ ફિલ્મ બોક્સ ઓફિસ પર વધુ કમાણી કરી શકી ન હતી. તાજેતરમાં તે ધ ગ્રેટ ઈન્ડિયન કપિલ શોની ત્રીજી સીઝનના પહેલા એપિસોડમાં મુખ્ય મહેમાન તરીકે આવ્યો હતો. જેમાં તેણે પોતાના મિત્રો સાથેના સંબંધો તથા પોતાના લગ્ન કરવાના વિચાર વિશે વાત કરી હતી.
