મુંબઈ: નાના પડદાથી લઈ બોલિવૂડ સુધીની સફરમાં પોતાનું નામ બનાવનાર અભિનેત્રી રાધિકા મદાને તાજેતરમાં ફિલ્મ નિર્માતા ફરાહ ખાનના કુકિંગ વ્લોગમાં ગેસ્ટ તરીકે જોવા મળી હતી. આ વ્લોગ મુલાકત દરમિયાન રાધિકાએ પોતાના જીવનના રસપ્રદ કિસ્સાઓ શેર કર્યા, ખાસ કરીને તેમના પ્રથમ ઓડિશનનો એક રમૂજી અનુભવ. આ વાતચીતે રાધિકાના સંઘર્ષ અને તેમની સાદગીને ચાહકો સમક્ષ રજૂ કરી, જેનાથી તેમની લોકપ્રિયતામાં વધારો થયો.
ફરાહ ખાન સાથે રસોઈ બનાવતી વખતે રાધિકાએ જણાવ્યું કે તેમનું પ્રથમ ઓડિશન દિલ્હીમાં થયું હતું. એક કાસ્ટિંગ ક્રૂએ ફેસબુક દ્વારા તેનો સંપર્ક કર્યો હતો, પરંતુ ઓડિશનનું સ્થળ થોડું નિર્જન હતું. રાધિકાએ કહ્યું, “હું તે સમયે ‘ક્રાઈમ પેટ્રોલ’ ખૂબ જોતી હતી, તેથી હું એકલી ન ગઈ. મેં બે મિત્રોને સાથે લીધા અને હોકી સ્ટિક પણ રાખી.” તેમણે મિત્રોને કહ્યું કે તેઓ થોડીવાર પછી અંદર આવે, પરંતુ જ્યારે તેઓ ઓડિશનના સ્થળે પહોંચ્યા તો તે ખરેખર એક ટીવી શોનું ઓડિશન હતું. શરૂઆતમાં ગભરાટ થયો, પરંતુ રાધિકાએ ઓડિશન સફળતાપૂર્વક આપ્યું હતું.
રાધિકાનો ટીવીથી બોલિવૂડ સુધીનો પ્રવાસ
રાધિકાએ 2014માં ટીવી શો ‘મેરી આશિકી તુમસે હી’થી પોતાની અભિનય કારકિર્દીની શરૂઆત કરી હતી. આ પછી તેઓ ‘ઝલક દિખલા જા 8’ અને ‘ચિંતા દી પંગકુઆં હિમાલય’માં જોવા મળી હતી. ટીવી પછી તેણે 2018માં ‘પટાખા’ ફિલ્મથી બોલિવૂડમાં ડેબ્યૂ કર્યું હતું. તેમની અન્ય ફિલ્મોમાં ‘અંગ્રેજી મીડિયમ’, ‘શિદ્દત’, ‘કુત્તે’ અને ‘સરફિરા’નો સમાવેશ થાય છે. આ ફિલ્મોમાં રાધિકાએ ઇરફાન ખાન જેવા દિગ્ગજ કલાકારો સાથે કામ કર્યું છે.
રાધિકા મદન હવે તેમની આગામી ફિલ્મ ‘સૂબેદાર’માં જોવા મળશે, જેનો ક્રેશ ફેન્સમાં અત્યારથી જ જોવા મળી રહ્યો છે. ફરાહ ખાન સાથેની આ મુલાકાતે રાધિકાની સરળ અને રમૂજી વ્યક્તિત્વને ચાહકો સમક્ષ રજૂ કર્યો છે, જેનાથી તેમની લોકપ્રિયતામાં વધારો થયો છે. તેમનો આ રમૂજી કિસ્સો બોલિવૂડમાં તેમના સંઘર્ષ અને નિશ્ચયને દર્શાવે છે.
