6 કલાક પહેલા મોકલ્યો QR કોડ, કલર-કોડેડ રિસ્ટબેન્ડ, જાણો કેવી રીતે અનંત-રાધિકાના લગ્નમાં મહેમાનોની થઇ એન્ટ્રી
![QR Codes bands guest entry Anant Radhika wedding](https://bombaysamachar.com/wp-content/uploads/2024/07/Guest-Entry.webp)
વ્યક્તિગત મોબાઇલ ફોન પર મોકલવામાં આવેલા QR કોડ પર આધારિત એન્ટ્રીની સિસ્ટમ, વિવિધ વિસ્તારોમાં પ્રવેશ માટે કલર-કોડેડ રિસ્ટબેન્ડ અને રાજ્યના વડાઓ માટે આરક્ષિત કટોકટીની તબીબી સારવારએ એશિયાના સૌથી ધનિક વ્યક્તિ મુકેશ અંબાણીના સૌથી નાના પુત્ર અનંતના લગ્નની કેટલીક તૈયારીઓના ભાગરૂપે હતું.
મુંબઈના BKCમાં અંબાણી પરિવારની માલિકીના Jio વર્લ્ડ સેન્ટરમાં શુક્રવારે યોજાયેલા આ લગ્નમાં વૈશ્વિક હસ્તીઓ, ઉદ્યોગપતિઓ, ક્રિકેટરો, ફિલ્મસ્ટારો અને તમામ પ્રકારના રાજકારણીઓએ હાજરી આપી હતી. બીજા દિવસે, મિત્રો અને પરિવારના સભ્યો માટે ‘શુભ આશીર્વાદ’ નામના આશીર્વાદ સમારોહનું આયોજન કરવામાં આવ્યું હતું.
રવિવારના રોજ તે જ સ્થળે ‘મંગલ ઉત્સવ’ નામના બીજા રિસેપ્શન માટે કર્મચારીઓથી લઈને બિઝનેસ એસોસિએટ્સ સુધીના વિવિધ મહેમાનોને આમંત્રિત કરવામાં આવ્યા હતા. વડાપ્રધાન નરેન્દ્ર મોદી શનિવારે આ દંપતીને આશીર્વાદ આપવા સ્થળ પર પહોંચ્યા હતા.
લગ્ન અને રિસેપ્શન માટે ત્રણ અલગ-અલગ આમંત્રણ મોકલવામાં આવ્યા હતા. ખૂબ જ ખાસ મહેમાનોને એક મોટું લાલ બૉક્સ મોકલવામાં આવ્યું હતું, જેમાં અંદર ભગવાન ગણેશ, રાધા-કૃષ્ણ અને દેવી દુર્ગા સહિત વિવિધ હિન્દુ દેવતાઓની સોનાની મૂર્તિઓ ધરાવતું એક નાનું ચાંદીનું મંદિર હતું. આમંત્રણોમાં દરેક લગ્ન સમારંભ માટે અલગ-અલગ કાર્ડ દર્શાવવામાં આવ્યા હતા, જેમાંથી એક ચાંદીનું બનેલું હતું અને તે પ્રાચીન મંદિરના મુખ્ય દરવાજા જેવું હતું. એક આમંત્રણ લેપટોપના કદના બોક્સમાં હતું, જેમાં ત્રણ દેવતાઓની ચાંદીની મૂર્તિઓ અને આમંત્રણ કાર્ડ હતું. મહેમાનોને ઈ-મેલ અથવા ગૂગલ ફોર્મ દ્વારા તેમની હાજરીની પુષ્ટિ કરવા માટે કહેવામાં આવ્યું હતું.
QR કોડ ઇવેન્ટના 6 કલાક પહેલા તેમની હાજરીની પુષ્ટિ કરનારાઓને શેર કરવામાં આવ્યા હતા. મોબાઈલ ફોન પર મોકલવામાં આવેલ QR કોડ અને ઈમેલને સ્કેન કરીને સ્થળમાં પ્રવેશની મંજૂરી આપવામાં આવી હતી. અહીં, તમામ મહેમાનોના કાંડા પર વિવિધ રંગીન કાગળના કાંડા બાંધવામાં આવ્યા હતા, જે તેમને રંગના આધારે અલગ-અલગ વિસ્તારોમાં પ્રવેશ આપવામાં આવ્યો હતો, જેથી ભીડના કારણે તેમને તકલીફ ના થાય.
ફિલ્મ સ્ટાર્સ અને ક્રિકેટરોની સાથે, કોરિયન ઇલેક્ટ્રોનિક્સ જાયન્ટ સેમસંગ ઇલેક્ટ્રોનિક્સના ચેરમેન લી જે-યોંગ અને તેમની પત્નીને પીંક રિસ્ટબેન્ડ આપવામાં આવ્યું હતું. શનિવારે તેઓ રેડ રિસ્ટબેન્ડમાં જોવા મળ્યા હતા.
કર્મચારીઓ, સુરક્ષા અને સેવા કર્મચારીઓએ વિવિધ રંગના રિસ્ટબેન્ડ પહેર્યા હતા. બહુસ્તરીય સુરક્ષા કવચ દ્વારા વિશાળ સ્થળને સુરક્ષિત કરવામાં આવ્યું હતું. અગ્નિશમન અને અન્ય ઇમરજન્સી સેવાઓ પણ વોરફૂટ ધોરણે તૈયાર રાખવામાં આવી હતી.
મહેમાનોની યાદીમાં ભૂતપૂર્વ બ્રિટિશ વડા પ્રધાનો ટોની બ્લેર અને બોરિસ જોન્સન, સાઉદી અરામકોના સીઈઓ અમીન એચ નાસર, રિયાલિટી ટીવી સ્ટાર કિમ કાર્દાશિયન અને તેની બહેન ખલો, નાઈજિરિયન રેપર રેમા અને ફૂટબોલર ડેવિડ બેકહામનો સમાવેશ થતો હતો.
દિગ્ગજ ઉદ્યોગપતિ ગૌતમ અદાણી તેમના પુત્ર કરણ અને પત્ની પ્રીતિ અને પૌત્રી સાથે આવ્યા હતા. કુમાર મંગલમ બિરલા પણ તેમના પરિવાર સાથે આવ્યા હતા. મોટાભાગના ફિલ્મસ્ટાર્સ તેમના પરિવાર સાથે આવ્યા હતા.
Also Read –