શાહરૂખ ખાનની બે બ્લોકબસ્ટર ફિલ્મો જેટલી ‘પુષ્પા 2’ની કમાણી, જાણો આંકડા

પુષ્પા: ધ રૂલ – ભાગ 2 એ બોક્સ ઓફિસ પર તેના પ્રથમ 25 દિવસમાં સારું પ્રદર્શન કર્યું છે અને અંદાજિત રૂ.1149.97 કરોડની નેટ કમાણી કરી છે. અલ્લુ અર્જુન , રશ્મિકા મંદન્ના અને ફહદ ફાસિલ-સ્ટારર પુષ્પા 2: ધ રૂલ બોક્સ ઓફિસ પર સારી કમાણી કરી રહી છે. ભારતીય નેટ બોક્સ ઓફિસ પર 1000 કરોડનો આંકડો સફળતાપૂર્વક વટાવ્યા પછી, ફિલ્મ હવે તેના 2000 કરોડ રૂપિયાના મહત્વાકાંક્ષી ધ્યેય પર નજર રાખી રહી છે. આ ફિલ્મે 25માં દિવસે 8.62 કરોડ રૂપિયાનું કલેક્શન નોંધાવ્યું છે.

આ પણ વાંચો: ક્લેપ એન્ડ કટ..!: ‘પુષ્પા’ને કોઈ માથાનો મળ્યો ખરો!

મળતી માહિતી અનુસાર આ ફિલ્મે ભારતમાં 25 દિવસમાં રૂ. 1149.97 કરોડથી વધુની કમાણી કરી છે. બોલિવૂડ સ્ટાર શાહરૂખ ખાનની બે બ્લોકબસ્ટર ફિલ્મો જેટલી કમાણી તો અલ્લુ અર્જુનની એક ફિલ્મે કરી નાખી છે. શાહરૂખ ખાનની બે બ્લોકબસ્ટર ફિલ્મ જવાન (543.09 કરોડ) અને પઠાણ (640.25 કરોડ) ની કમાણી કુલ મળીને 1183.34 કરોડ રૂપિયા થાય છે. આ બે ફિલ્મોની કુલ કમાણીથી વધુ કલેક્શન અલ્લુ અર્જુનની પુષ્પા ફિલ્મ કરી રહી છે. આ ફિલ્મ સુકુમાર દ્વારા નિર્દેશિત છે.

આ પણ વાંચો: પુષ્પા-2નું વર્લ્ડવાઈડ કલેક્શન 1600 કરોડઃ હવે માત્ર આ બે ફિલ્મોને પાછળ મૂકી દે એટલે

પુષ્પા-2 વિશે વાત કરીએ તો આ ફિલ્મ 500 કરોડ રૂપિયાના બજેટ સાથે બનાવવામાં આવી છે. ફિલ્મની બૉક્સ ઑફિસ પર સફળતા જોઇનેપુષ્પા સિરીઝની અન્ય એક ફિલ્મ પુષ્પા 2 ધ રેમ્પેજ નામે ત્રીજા ભાગની પણ જાહેરાત કરવામાં આવી છે.
4 ડિસેમ્બરના રોજ હૈદરાબાદના સંધ્યા થિયેટરમાં ફિલ્મના પ્રીમિયર દરમિયાન, નાસભાગ જેવી પરિસ્થિતિ સર્જાઈ હતી, જેના પરિણામે એક મહિલાનું મૃત્યુ તેના યુવાન પુત્ર સાથે ગંભીર હાલતમાં હોસ્પિટલમાં દાખલ થયું હતું. આ કેસમાં અર્જુન , થિયેટર મેનેજમેન્ટ અને તેની સુરક્ષા ટીમના સભ્યોની ધરપકડ કરવામાં આવી હતી. લોકોનું માનવું છે કે આ ઘટનાને કારણે ફિલ્મને ઘણી પ્રસિદ્ધિ મળી હતી અને ફિલ્મનું કલેક્શન વધી ગયું હતું.