Pushpa-2 એ બીજા દિવસે પણ તોડયો કમાણીનો રેકોર્ડ, 200 કરોડની ક્લબમાં સામેલ…

મુંબઈ : અલ્લુ અર્જુનની ફિલ્મ ‘પુષ્પા 2’એ(Pushpa 2)બોક્સ ઓફિસ પર બીજા દિવસે કમાણીના રેકોર્ડ તોડી નાખ્યાં છે. આ ફિલ્મે રિલીઝ થતાની સાથે જ બોક્સ ઓફિસ પર ધૂમ મચાવી દીધી છે. આ ફિલ્મે હિન્દી, તમિલ, તેલુગુ, કન્નડ અને મલયાલમમાં સંયુક્ત રીતે પ્રથમ દિવસે 168.3 કરોડ રૂપિયાની કમાણી કરી હતી. જો આપણે પેઇડ પ્રીવ્યૂમાંથી રૂપિયા 10.1 કરોડની કમાણી ઉમેરીએ તો શરૂઆતના દિવસે ફિલ્મનું કલેક્શન રૂપિયા 178.4 કરોડ સુધી પહોંચી ગયું હતું.

આ પણ વાંચો : બાહુબલી, જવાન બધાને પાછળ છોડી પુષ્પા-2એ કરી રેકોર્ડ બ્રેક ઑપનિંગ

પુષ્પા -2 એ બીજા દિવસે 32.72 કરોડ રૂપિયાની કમાણી કરી

હવે ફિલ્મની બીજા દિવસની કમાણી સાથે જોડાયેલા આંકડા પણ આવ્યા છે. જેમાં ‘પુષ્પા 2’એ સાંજે 4.45 વાગ્યા સુધી 32.72 કરોડ રૂપિયાની કમાણી કરી છે. બોક્સ ઓફિસનું કુલ કલેક્શન 200 કરોડને પાર કરી ગયું છે. ફિલ્મે અત્યાર સુધીમાં 211.12 કરોડ રૂપિયાની કમાણી કરી છે.

ભૂલ ભુલૈયા-3 અને સિંઘમ અગેઇનનો રેકોર્ડ તોડશે

છેલ્લા બે દિવસના આંકડા સુધીમાં પુષ્પા 2 સિંઘમ અગેઇન અને ભૂલ ભુલૈયા 3ની અત્યાર સુધીની કમાણીને વટાવી શકે છે. સિંઘમ અગેઇન એ અત્યાર સુધી 247.71 કરોડ રૂપિયા અને ભૂલ ભૂલૈયા 3 એ 259.71 કરોડ રૂપિયાની કમાણી કરી છે.

આ પણ વાંચો : મુંબઈમાં પુષ્પા 2 ના સ્ક્રિનિંગ દરમિયાન એક શખ્સે આવી હરકત કરતા શો 20 મિનિટ માટે બંધ રખાયો

અલ્લુના પાત્રને વધુ પાવર અને સ્વેગ સાથે રજૂ કરાયું

દિગ્દર્શક સુકુમાર અને અભિનેતા અલ્લુ અર્જુનની જોડી ફરી એકવાર પુષ્પાના બીજા ભાગ સાથે થિયેટરોમાં પાછી આવી છે, જે વર્ષ 2021 માં રિલીઝ થઈ છે.આ ફિલ્મે બ્લોકબસ્ટરનું બિરુદ મેળવી લીધું. ફહદ ફૈસીલ અને રશ્મિકા મંદાનાએ પણ ફિલ્મમાં પોતાની અભિનય કુશળતા બતાવી છે. આ વખતે અલ્લુના પાત્રને વધુ પાવર અને સ્વેગ સાથે રજૂ કરવામાં આવ્યું છે જે લોકોને પસંદ આવી રહ્યું છે.