પુષ્પા-2ના વાઇલ્ડ ફાયરે બૉક્સ ઑફિસ પર લગાવી દીધી આગ, છ દિવસમાં 1000 કરોડની કલબમાં સામેલ

અલ્લુ અર્જુન અને રશ્મિકા મંદન્નાની એક્શન થ્રિલર ફિલ્મ ‘પુષ્પા 2 ધ રૂલ’એ વધુ એક માઈલસ્ટોન હાંસલ કર્યો છે. આ ફિલ્મે વિશ્વભરમાં 1000 કરોડ રૂપિયાની કમાણી કરી છે. આ ફિલ્મ હવે 1000 કરોડના ક્લબમાં સામેલ થઈ ગઈ છે. પુષ્પા ફિલ્મના સત્તાવાર સોશિયલ મીડિયા એકાઉન્ટ પર એક પોસ્ટને રીટ્વીટ કરવામાં આવી છે જેમાં લખ્યું છે કે પુષ્પા 2 એ 6 દિવસમાં વિશ્વભરમાં 1000 કરોડ રૂપિયાની કમાણી કરી લીધી છે. એમ કહેવામાં આવી રહ્યું છે કે પુષ્પા 2 સૌથી ઝડપી 1000 કરોડની કમાણી કરનારી ફિલ્મ બની ગઈ છે.

નોંધનીય છે કે પુષ્પા 2 હિન્દી ભાષામાં સૌથી વધુ કમાણી કરી રહી છે. મંગળવારના પ્રારંભિક અહેવાલો અનુસાર, ફિલ્મની કમાણીમાં થોડો ઘટાડો થશે. પરંતુ તેમ છતાં આ ફિલ્મ રેકોર્ડ કમાણી તો કરશે. સૅકનિકના રિપોર્ટ અનુસાર ફિલ્મ મંગળવારે 60-65 કરોડ રૂપિયાની કમાણી કરશે. સોમવારની કમાણીની તુલનામાં મંગળવારે 15-20 ટકાનો ઘટાડો થશે. મંગળવારે પણ પુષ્પાના ઓફિશિયલ પેજ પર ઘણા વીડિયો શેર કરવામાં આવ્યા હતા જેમાં થિયેટરની બહાર ભીડ જોવા મળે છે. આ વીડિયો ઉત્તર પ્રદેશનો હોવાનું કહેવાય છે. દર્શકોમાં અલ્લુ અર્જુન અને શ્રીવલ્લીનો જબરદસ્ત ક્રેઝ જોવા મળી રહ્યો છે. તે જ સમયે, ફિલ્મને દર્શકો ઉપરાંત વિવેચકો તરફથી પણ સારો પ્રતિસાદ મળ્યો છે.

Also read: બોક્સ ઓફિસ પર ધમાલ મચાવવા રેડી છે પુષ્પા-2

પુષ્પા-2 ધ રૂલમાં અગાઉની ફિલ્મ પુષ્પા: ધ રાઇઝની વાર્તા જ ચાલુ રાખવામાં આવી છે. પ્રથમ ફિલ્મમાં પુષ્પા રાજ કેવી રીતે રોજીરોટી મજૂરીથી આગળ વધીને લાલ ચંદનની દાણચોરીનો ધંધો ચલાવે છે, એની વાત વણી લેવામાં આવી હતી. રશ્મિકા તેની પત્ની શ્રીવલ્લીનું પાત્ર ભજવે છે જે તેને મક્કમ સહારો આપે છે અને તેના માટે ઉભી રહે છે. ફહાદ પોલીસ અધિકારી ભંવર સિંહ શેખાવતની ભૂમિકા ભજવે છે. પુષ્પાઃ ધ રાઇઝમાં તેણે જે અપમાનનો સામનો કર્યો હતો, તેને તે આ ફિલ્મમાં પણ ભૂલ્યો નથી. પુષ્પા 3: ધ રેમ્પેજ માટે નવી વાર્તા સેટ કરીને ફિલ્મ સમાપ્ત થાય છે.