જાણી લો નિયા શર્માનું અસલી નામ અને નામ બદલવા પાછળનું ખાસ કારણ

‘એક હજારો મેં મેરી બેહના હૈ’થી ટીવી કરિયરની શરૂઆત કરનાર અભિનેત્રી નિયા શર્મા પોતાના લુક્સના કારણે હંમેશાં હેડલાઇન્સમાં રહે છે. નિયાને ઘણી વખત એશિયાની સૌથી સેક્સી મહિલાનો ખિતાબ મળ્યો છે. તે પોતાના ફિગર, ફેશનેબલ આઉટફીટનું ખૂબ ધ્યાન રાખે છે ત્યારે જાણીએ તેના નામ પાછળનું રહસ્ય શું છે.

નિયા તેના પહેલા જ શોથી પ્રખ્યાત થઈ ગઈ હતી. આ પછી પણ નિયા ઘણા ટીવી શોમાં જોવા મળી અને તે પણ હિટ રહ્યા હતા. નિયાના અંગત જીવન વિશે બહુ ઓછા લોકો જાણે છે. નિયા તેનું સાચું નામ નથી. નિયાએ એક ઇન્ટરવ્યૂમાં પોતાનું નામ બદલવા પાછળનું કારણ જણાવ્યું હતું. તેમણે ઉદ્યોગમાં આવતા પહેલા જ પોતાનું નામ બદલી નાખ્યું હતું. ચાલો જાણીએ નિયાનું સાચું નામ શું છે.

એક ઇન્ટરવ્યૂમાં જ્યારે નિયાને પૂછવામાં આવ્યું કે શું તે તમારું નામ બદલ્યું છે, ત્યારે નિયાએ કહ્યું હતું કે બધા દસ્તાવેજો અને ગુગલ પ્રોફાઇલ પર મારું સાચું નામ નેહા શર્મા છે. પણ ઇન્ડસ્ટ્રીમાં આવતા પહેલા, જ્યારે હું કોલેજમાં હતી, ત્યારે મારા ક્લાસમાં 8 નેહા શર્મા હતી. અને એક પછી એક બધાના રોલ નંબર હતા અને તે બધા હંમેશા સાથે રહેતા હતા.

નિયાએ આગળ કહ્યું હતું કે જ્યારે હું ઇન્ડસ્ટ્રીમાં આવી ત્યારે મને ખ્યાલ આવ્યો કે આ નામ યોગ્ય નહીં હોય. આખી દુનિયામાં ઘણી નેહા છે તેથી મેં નામ બદલીને નિયા કરી નાખ્યું. આ કોઈ જ્યોતિષ દ્વારા નથી કરવામાં આવ્યું. નિયાનો અર્થ જીવંતતા છે અને આ મારું સ્ક્રીન નામ છે, તેથી હવે લોકો મને નિયા તરીકે ઓળખે છે.

નિયા શર્મા લાફ્ટર શેફ્સ 2માં જોવા મળી રહી છે. આ શોમાં તેની સુદેશ લહિરી સાથે જોડી છે. નિયા આ શોની પહેલી સીઝનમાં પણ જોવા મળી હતી. નિયા શોમાં ખૂબ જ મસ્તી કરતી જોવા મળે છે.

આ પણ વાંચો…‘ક્યૂંકી સાસ ભી કભી બહુ થી’ ની અભિનેત્રીએ ઈન્સ્ટાગ્રામ પર કામ માંગ્યું