કિંજલ દવેએ જેની સાથે સગાઈ કરી એ ધ્રુવિન શાહ કોણ છે ? જૂનો ફિયાન્સ પવન જોશી શું કરે છે ?

ગુજરાતી લોકગાયિકા કિંજલ દવેએ તેના ચાહકોને એક મોટી ખુશખબરી આપી છે. વર્ષ 2023માં પવન જોષી સાથેની સગાઈ તૂટ્યાના બે વર્ષ બાદ કિંજલ દવેએ 6 ડિસેમ્બર 2025ના રોજ અભિનેતા અને ઉદ્યોગપતિ ધ્રુવિન શાહ સાથે સગાઈ કરી લીધી છે. 5 ડિસેમ્બરના રોજ ગોળધાણાની રસમ યોજાઈ હતી અને ત્યારબાદ 6 ડિસેમ્બરે સગાઈ સેરેમની યોજવામાં આવી હતી.

કિંજલે સોશિયલ મીડિયા પ્લેટફોર્મ ફેસબુક પર સગાઈનો વીડિયો પોસ્ટ કરીને આ સત્તાવાર જાહેરાત કરી હતી, જેમાં તેણે “ગોડ્સ પ્લાન” લખીને પોતાના નવા જીવનની શરૂઆતનો સંકેત આપ્યો હતો. લાંબા સમયથી એકબીજાને ડેટ કરી રહેલા આ યુગલે હવે સગાઈના પવિત્ર બંધનથી પોતાના સંબંધોને સત્તાવાર માન્યતા આપી છે, જેના કારણે તેમના ચાહકોમાં ભારે ઉત્સાહ જોવા મળી રહ્યો છે.

કોણ છે કિંજલ દવેના મંગેતર ધ્રુવિન શાહ?

કિંજલ દવેના મંગેતર ધ્રુવિન શાહ માત્ર એક અભિનેતા જ નથી, પરંતુ તેઓ એક સફળ ઉદ્યોગપતિ અને પ્રતિષ્ઠિત બિઝનેસ ફેમિલીમાંથી આવે છે. ધ્રુવિન શાહ મલ્ટી-ટેલેન્ટેડ વ્યક્તિત્વ ધરાવે છે અને તેઓ ગુજરાતી ફિલ્મો તથા કન્ટેન્ટ માટેની લોકપ્રિય એપ્લિકેશન ‘જોજો એપ’ (JoJo App)ના ફાઉન્ડર પણ છે.

ધ્રુવિન શાહ ગુજરાતી કલા અને ટેકનોલોજીના ક્ષેત્રે એક જાણીતું નામ છે. તેમના અભિનય અને વ્યવસાયિક સફળતાને કારણે તેઓ યુવા ઉદ્યોગસાહસિકોમાં એક પ્રેરણાદાયક વ્યક્તિ તરીકે ઊભરી આવ્યા છે.

અહીં એ ઉલ્લેખ કરવો જરૂરી છે કે કિંજલ દવેની અગાઉ એપ્રિલ 2018માં પવન જોષી સાથે સગાઈ થઈ હતી, જોકે વર્ષ 2023માં આ સંબંધ તૂટી ગયો હતો. સૂત્રોના જણાવ્યા અનુસાર, સગાઈ તૂટ્યા બાદ પવન જોષી પોતાના વ્યવસાયિક અને વ્યક્તિગત જીવન પર ધ્યાન કેન્દ્રિત કરી રહ્યા છે.

પવન જોષી મોડલિંગ, એક્ટિંગ અને ક્રિયેટરનું કામ કરી રહ્યા છે. તેને વર્ષ 2024માં ત્રણ બ્રાન્ડ સાથે કોલાબ્રેટ પણ કર્યું હતું. જ્યારે કિંજલ દવેની સગાઈના સમાચાર સામે આવ્યા ત્યારે પવન જોશીએ પોતાના સોશિયલ મીડિયા પર ખુબ ભાવુક પોસ્ટ પણ મુકી હતી.

કિંજલ દવે અને ધ્રુવિન શાહના સગાઈના સમાચારે સ્પષ્ટ કર્યું છે કે કિંજલ દવેએ પોતાના જીવનમાં આગળ વધીને એક નવો અધ્યાય શરૂ કર્યો છે. ચાહકો હવે આ નવા યુગલને અભિનંદન પાઠવી રહ્યા છે અને તેમના લગ્નના સમાચારની આતુરતાથી રાહ જોઈ રહ્યા છે.

ધ્રુવિન શાહના બહુમુખી પ્રતિભા અને કિંજલ દવેની લોકપ્રિયતાને જોતાં, આ બંનેની જોડી ગુજરાતી ઇન્ડસ્ટ્રીમાં એક પાવર કપલ તરીકે ઊભરી આવવાની સંભાવના છે.

આ પણ વાંચો…‘કિંજલ દવે મનફાવે ત્યાં સગાઈ કરી શકે તો અમને પણ બહિષ્કારનો હક છે’