મહિલા ફેન સાથે કાર્તિક આર્યને કર્યું કંઇક એવું કે….
ફિલ્મ અભિનેતા કાર્તિક આર્યનની ફિલ્મ ‘ચંદુ ચેમ્પિયન’ 14 જૂને સિનેમાઘરોમાં રિલીઝ થઈ રહી છે. અભિનેતા આ ફિલ્મના પ્રમોશનમાં વ્યસ્ત છે. તાજેતરમાં જ ફિલ્મ ‘ચંદુ ચેમ્પિયન’નું પહેલું ગીત ‘સત્યાનાશ’ રિલીઝ થયું હતું અને તે ટ્રેન્ડમાં છે. આ ફિલ્મમાં કાર્તિક આર્યન તદ્દન જુદા જ અવતારમાં જોવા મળશે. આ ફિલ્મનો તેનો લુક અને ફિલ્મ માટે તેણે કરેલું ટ્રાન્સફોર્મેશન પહેલાથી જ સમાચારોમાં છે અને હવે અભિનેતાનો એક વીડિયો સામે આવ્યો છે, જેના માટે તેની પ્રશંસા કરવામાં આવી રહી છે. કાર્તિક પોતાની આ ફિલ્મનું પ્રમોશન દેશમાં જ નહીં વિદેશમાં પણ કરી રહ્યો છે. કાર્તિક આર્યન પોતાની ફિલ્મના પ્રમોશન માટે તાજેતરમાં લંડન પહોંચ્યો હતો. ફિલ્મના પ્રમોશન દરમિયાન તેની એક ફેન યુવતી સાથે મુલાકાત થઈ હતી. આ ફેન સાથે કાર્તિકની મુલાકાતનો વીડિયો સોશિયલ મીડિયા પર વાયરલ થઈ રહ્યો છે.
કાર્તિક આર્યનનો તેના ફેન્સ સાથે વાત કરવાની વીડિયો ક્લિપ વાયરલ થઇ રહી છે. કાર્તિકની મહિલા ફેન તેને જોઇને એટલી બધી ખુશ થઇ જાય છે કે તે રડવા લાગે છે. તેને જોઇને કાર્તિક આર્યન પણ ઘણો ભાવુક થઇ જાય છે. તે તેની ફેનને ગળે લગાવે છે. તેને સાંત્વના પણ આપે છે અને થોડી વાર તેની સાથે વાત પણ કરે છે. ત્યાર બાદ આર્યન તેની મિત્રને પણ ગળે લગાવે છે. આ વીડિયો હાલ સોશિયલ મીડિયા પર વાયરલ થઈ રહ્યો છે.
કાર્તિક આર્યનની આગામી ફિલ્મ ચંદુ ચેમ્પિયન, એક બાયોપિક ડ્રામા, આવતા મહિને 14 જૂને રિલીઝ થશે. કાર્તિક આ ફિલ્મને લઈને સતત ચર્ચામાં રહે છે. હાલમાં જ ફિલ્મ ચંદુ ચેમ્પિયનનું બીજું ગીત ‘તુ હૈ ચેમ્પિયન’ પણ રિલીઝ થયું છે, જે લોકોને ઘણું પસંદ આવી રહ્યું છે.
ફિલ્મનું ટાઈટલ સોંગ શેર કરતા કાર્તિક આર્યને કેપ્શનમાં લખ્યું હતું કે, આ ગીત વિશે વિચારું છું ત્યારે મારી નજર સામે દુ ચેમ્પિયનની આખી સફર આવી જાય છે. આ ગીત માત્ર શારીરિક પરિવર્તન વિશે જ નથી, પણ દોઢ વર્ષની ઇમોશનલ જર્ની વિશે છે. આ ફિલ્મથી હું ઘણી રીતે સારી વ્યક્તિ બન્યો છું. આ સફર સમર્પણ અને ફોકસની હતી. વર્કઆઉટ્સ અને જિમ સત્રોમાંથી મેં કોઈ વિરામ નથી લીધો, મારા આહાર, સ્વિમિંગ અને બોક્સિંગ સત્રોમાં કોઈ છેતરપિંડી નથી કરી. આ ગીતનો જાદુ તમને પણ મારી જેમ હિટ કરશે. આ ગીત જીવન માટેનું મારું વિજય થઈમ ગીત બની ગયું છે. હું બધા સાથે આ ગીત શેર કરતા ગર્વની લાગણી અનુભવુ છું.
