Happy Birthday Sonakshi: બૉયફ્રેન્ડ તેને ક્યા નામથી બોલાવે છે તે જાહેર થઈ ગયું
અભિનેત્રી સોનાક્ષી સિન્હા (Sonakshi Sinha)આજે 2 મેના રોજ પોતાનો 37મો જન્મદિવસ ઉજવી રહી છે. આ ખાસ દિવસે તેના બોયફ્રેન્ડ ઝહીર ઈકબાલે પણ તેના પર પ્રેમ વરસાવ્યો છે.
સંજય લીલા ભણસાલી દ્વારા નિર્દેશિત વેબ સિરીઝ ‘હીરામંડી’માં સોનાક્ષી સિન્હા દેખાઈ હતી. આ સીરિઝમાં સોનાક્ષીની એક્ટિંગ વખાણાઈ છે અને સાથે સાથે સિરીઝના ગીત તિલમી બહેન પર તેના ડાન્સે પણ લોકોને દિવાના બનાવી દીધા છે. આ ખાસ દિવસે અભિનેત્રીને ઘણાએ જન્મદિવસની શુભેચ્છા પાઠવી રહી છે. જોકે સૌનું ધ્યાન તેનાં બૉયફ્રેન્ડ ઝહીર ઈકબાલે પાઠવેલી શુભેચ્છા પર ગયું છે. આ સાથે ઝહીર તેને કયા નામથી બોલાવે છે તે પણ તેનાં ફેન્સને ખબર પડી ગઈ છે.
આ પણ વાંચો : નોરાથી લઈને સોનાક્ષી સિંહા આઉટફીટને લઈ ફરી લાઈમલાઈટમાં આવી
ઝહીરે તેના ઇન્સ્ટા પર સોનાક્ષી સાથેના ઘણા ફોટા શેર કર્યા છે. પહેલા ફોટોમાં બંને પાર્ટીમાં મસ્તી કરતા જોવા મળે છે. બીજો ફોટો બંનેના વેકેશન દરમિયાન લેવામાં આવ્યો હોય તેવું લાગે છે, જેમાં બંને હસતા અને પોઝ આપતા જોવા મળે છે.
આ સાથે, બાકીની બે તસવીરોમાં પણ લવબર્ડસ વચ્ચે ખૂબ જ ખાસ કેમેસ્ટ્રી જોવા મળી શકે છે. અભિનેત્રી સાથે આ તસવીરો શેર કરતી વખતે ઝહીરે કેપ્શનમાં લખ્યું- હેપ્પી બર્થ ડે સોન્ઝ. સોનાક્ષીએ પણ ઝહીરની પોસ્ટ પર પ્રતિક્રિયા આપી છે. અભિનેત્રીએ તેની પોસ્ટના ટિપ્પણી વિભાગમાં ઘણા ઇમોજી શેર કર્યા છે. તમને જણાવી દઈએ કે સોનાક્ષી અને ઝહીર લાંબા સમયથી એકબીજાને ડેટ કરી રહ્યા છે. ઘણી વખત તેઓ પાર્ટી અને ઈવેન્ટ્સમાં સાથે જોવા મળે છે. જો કે બંનેમાંથી કોઈએ હજુ સુધી તેમના સંબંધોને સત્તાવાર જાહેર કર્યા નથી, પરંતુ તેઓ ઘણી વાર એકબીજા પર પ્રેમ વરસાવતા જોવા મળે છે.
