આ અભિનેતાના ઘરે થયો ભયંકર અકસ્માત, ફ્લેટમાં લાગેલી આગમાં એક ઘાયલ

અહમદનગરમાં બોલિવૂડ એક્ટર સદાશિવ અમરાપુરકરના ઘરમાં આગ લાગવાના સમાચાર સામે આવ્યા છે. કહેવામાં આવી રહ્યું છે કે શોર્ટ સર્કિટના કારણે તેમના ચારેય ફ્લેટમાં આગ લાગી હતી. જો કે, આગ લાગી ત્યારે ઘરમાં હાજર લોકો તાત્કાલિક બહાર આવી ગયા હતા. આ આગને કારણે એક મહિલાને સામાન્ય ઈજા થઈ છે. ફ્લેટમાં આગની માહિતી મળતા જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી. જો અહેવાલો પર વિશ્વાસ કરવામાં આવે તો ફ્લેટની તમામ સામગ્રી બળીને રાખ થઈ ગઈ છે. આ ફ્લેટ દિવંગત એક્ટર સદાશિવ અમરાપુરકરની પત્ની સુનંદા સદાશિવના નામે છે અને તેણે તેને ભાડા પર આપ્યો છે.

અહેમદનગરના સુમન એપાર્ટમેન્ટમાં સ્વર્ગીય અભિનેતા સદાશિવ અમરાપુરકરનું રહેઠાણ તેમની પત્નીએ ભાડે આપ્યું છે. તેમનો આખો પરિવાર મુંબઈમાં રહે છે. બુધવારે બપોરે લગભગ 2 વાગ્યે શોર્ટ સર્કિટના કારણે આગની ઘટના બની હતી. જો કે ફાયર બ્રિગેડ દ્વારા પરિસ્થિતિ કાબુમાં લેવામાં આવી હતી. જ્યોતિ ભોર પઠાણે નામના ભાડૂત ઘટના સમયે ફ્લેટની અંદર હતા. રિપોર્ટમાં કહેવામાં આવ્યું છે કે આ મહિલાને બચાવી લેવામાં આવી છે. તેને તાત્કાલિક નજીકની હોસ્પિટલમાં લઈ જવામાં આવી હતી અને હવે તે સ્વસ્થ છે.

અહમદનગર સદાશિવ અમરાપુરકર માટે વિશેષ મહત્વ ધરાવે છે કારણ કે તે તેમનું જન્મસ્થળ છે. હિન્દી ફિલ્મ ઈન્ડસ્ટ્રીમાં લોકપ્રિય થતા પહેલા તેઓ થિયેટરમાં કામ કરતા હતા. તેમણે ગોવિંદ નિહલાનીની ફિલ્મ અર્ધસત્યથી ડેબ્યૂ કર્યું હતું. સાધારણ પૃષ્ઠભૂમિમાંથી આવતા હોવા છતાં ઉત્તમ અભિનયને કારણે તેમને તેમના ડેબ્યુ પછી 60 થી વધુ ફિલ્મોની ઓફર મળી હતી. સદાશિવ અમરાપુરકરે પોતાની કારકિર્દીમાં મોટાભાગની ફિલ્મોમાં વિલનની ભૂમિકા ભજવી હતી. તેણે સડક, ઈશ્ક, ફરિશ્તે, આંખે, હુકુમત, હમ હૈ કમાલ કે, આગ, જંગ, દો નંબરી, મહેરબાન, રાજા ભૈયા, કુલી નંબર વન, માફિયા રાજ જેવી ઘણી ફિલ્મોમાં કામ કર્યું. તેમનું મૃત્યુ 2014માં થયું હતું.