દિલ્લીમાં અભિનેત્રી હુમા કુરેશીના ભાઈની હત્યા, પાર્કિંગ બાબતે થયો હતો વિવાદ

નવી દિલ્લીઃ અભિનેત્રી હુમા કુરેશીના ભાઈની દિલ્લીમાં હત્યા થઈ હોવાનું પ્રકાશમાં આવ્યું છે. મળતી જાણકારી પ્રમાણે અભિનેત્રીના પિતરાઈ ભાઈ આસિફની દિલ્લીના નિજામુદ્દીન વિસ્તારમાં ગત મોડી રાતે હત્યા કરી દેવામાં આવી છે. સૂત્રો દ્વારા એવું જાણવા મળ્યું છે કે, પાર્કિગ બાબતે વિવાદ શરૂ થયો હતો. આ વિવાદ બાદ આસિફ પર હુમલો થયો અને તેની હત્યા કરી દેવામાં આવી હતી. આ સમગ્ર મામલે સ્થાનિકો દ્વારા પોલીસને જાણ કરવામાં આવી હતી. જેથી પોલીસે હત્યાના કેસમાં બે આરોપીઓની ધરપકડ કરવામાં આવી છે.

દિલ્લીના નિજામુદ્દીન વિસ્તારમાં થઈ આસિફની હત્યા

આ કેસ માટે પોલીસે વિગતો આપતા કહ્યું કે, ગુરૂવારે રાત્રે 11 વાગ્યાની આસપાસ નિજામુદ્દીનના જંગપુરા ભોગલમાં આસિફની હત્યા થી હતી. ઘર પાસે બાઈક પાર્ક કરવા મામલે આસિફ અને કેટલાક લોકો વચ્ચે વિવાદ થયો હતો. આ વિવાદ વધી ગયો અને આરોપીઓએ તેના પર હુમલો કરી દીધો હતો. આ હુમલામાં આસિફ ગંભીર રીતે ઘાયલ થયો હતો. સારવાર માટે તેને હોસ્પિટલ ખસેડવામાં આવ્યો હતો પરંતુ ડૉક્ટરોએ તેને મૃત જાહેર કરી દીધો હતો.

આસિફની હત્યા મામલે પરિવારે કર્યો આવો ખુલાસો

આસિફના પરિવારનું કહેવું છે કે, સામાન્ય વાતમાં આરોપીઓએ આસિફનેને ઢોર માર માર્યો હતો. આસિફની પત્ની સૈનાઝ કુરેશીએ કહ્યું કે, પડોશીઓ વચ્ચે અગાઉ પણ પાર્કિંગ બાબતે ઝઘડો થયો હતો. ગુરુવારે રાત્રે જ્યારે આસિફ કામ પરથી પાછો ફર્યો ત્યારે તેની બાઇક ઘરની સામે પાર્ક કરેલી હતી. જ્યારે તેણીએ તેમને બાઇક હટાવવાનું કહ્યું, ત્યારે પડોશીઓએ મારામારી શરૂ કરી દીધી અને તેમના પર તીક્ષ્ણ હથિયારોથી હુમલો કર્યો હતો. આ દરમિયાન આસિફ ગંભીર રીતે ઘાયલ થયો અને બાદમાં તેનું મોત થઈ ગયું હતું. પોલીસે આરોપીઓની ધરપકડ કરીને આગળની કાર્યવાહી હાથ ધરી દીધી છે.

આ પણ વાંચો…પ્રેમી સાથે ‘લિવ ઈન’માં રહેતી દીકરીની પરિવારે કરી હત્યા, બનાસકાંઠામાં ખળભળાટ