Oscar ના ઓફિશિયલ સોશિયલ હેંડલ પર ‘Mastani’ છવાઈ, દિપીકાની આ સિદ્ધિ પર પતિ રણવીરે કરી આ કમેન્ટ
મુંબઈ: એકેડેમી ઓફ મોશન પિક્ચર આર્ટસ એન્ડ સાયન્સે દીપરા પાદુકોણની બ્લોકબસ્ટર ઐતિહાસિક ફિલ્મ બાજીરાવ મસ્તાનીનો વીડિયો શેર કરીને બધાને ચોંકાવી દીધા છે. (Deepika Padukone gets featured on Oscars’ official Instagram handle) શેર કરેલી ક્લિપમાં ફિલ્મનું ગીત દીવાની મસ્તાનીનું (Deewani Mastani) છે જેમાં દીપિકા ડાન્સ કરતી જોવા મળી રહી છે. એકેડમી દ્વારા શેર કરવામાં આવેલી આ વીડિયો ક્લિપ પર દીપિકાના પતિ અને અભિનેતા રણવીર સિંહે (Ranveer Singh) પણ પોતાની પ્રતિક્રિયા આપી છે.
ધ એકેડમીના ઓફિશિયલ ઈન્સ્ટાગ્રામ હેન્ડલએ તેના પેજ પર બોલિવૂડ એક્ટ્રેસના લોકપ્રિય ગીત ‘દીવાની મસ્તાની’નો વીડિયો શેર કર્યો છે. શ્રેયા ઘોષાલ દ્વારા ગાયું, ‘દીવાની મસ્તાની’ ફિલ્મ નિર્માતા સંજય લીલા ભણસાલીની ફિલ્મ બાજીરાવ મસ્તાનીનું હિટ ટ્રેક છે. આ ફિલ્મમાં દીપિકા પાદુકોણ ઉપરાંત રણવીર સિંહ અને પ્રિયંકા ચોપરાએ પણ મુખ્ય ભૂમિકા ભજવી હતી.
વીડિયો શેર કરતી વખતે, એકેડમીએ લખ્યું, “દીપિકા પાદુકોણ ફિલ્મ ‘બાજીરાવ મસ્તાની’ની “દીવાની મસ્તાની” (શ્રેયા ઘોષાલે ગાયું છે) પર પરફોર્મ કરી રહી છે.” આ વીડિયો સોશિયલ મીડિયા પર વાયરલ થઈ રહ્યો છે. જ્યારે હિન્દી સિનેમાને ઓળખવા બદલ ઓસ્કરનો આભાર માનું છું. , દીપિકા પાદુકોણે પણ પોતાની ઈન્સ્ટા સ્ટોરી પર આ પોસ્ટ શેર કરી છે.
દીપિકા પાદુકોણના પતિ અને અભિનેતા રણવીર સિંહે પણ એકેડમી દ્વારા શેર કરવામાં આવેલા વીડિયો પર પોતાના રીએક્શન આપ્યા છે. રણવીરે કોમેન્ટ બોક્સમાં લખ્યું, “મેસ્મેરિક.” તમને જણાવી દઈએ કે રણવીર સિંહે ‘બાજીરાવ મસ્તાની’માં પેશવા બાજીરાવનો રોલ કર્યો હતો.
તમને જણાવી દઈએ કે ગયા વર્ષે દીપિકા પાદુકોણ 95માં એકેડેમી એવોર્ડ્સમાં જોન ટ્રવોલ્ટા, હેલ બેરી અને હેરિસન ફોર્ડ જેવા સેલેબ્સ સાથે પ્રેઝન્ટર હતી. દીપિકાએ ‘RRR’ના ઓસ્કાર વિજેતા ગીત ‘નાતુ નાતુ’નું પરફોર્મન્સ રજૂ કર્યું હતું.
દીપિકા પાદુકોણના વર્ક ફ્રન્ટ વિશે વાત કરીએ તો, અભિનેત્રીની છેલ્લી રિલીઝ રિતિક રોશન સાથેની ‘ફાઇટર’ હતી. ‘ફાઇટર’ વર્ષ 2024ની અત્યાર સુધીની સૌથી વધુ કમાણી કરનારી ફિલ્મ છે. દીપિકા હવે Clki 2898 ADમાં પ્રભાસ સાથે જોવા મળશે. દીપિકા પાદુકોણ રોહિત શેટ્ટીની સિંઘમ અગેઇનમાં પણ જોવા મળશે.