બિગ બોસ 19ના ‘ટિકિટ ટુ ફિનાલે’ ટાસ્કમાં આ કન્ટેસ્ટન્ટે તોડ્યો નિયમ, સલમાને દેખાડ્યો બહારનો રસ્તો, વીડિયો થયો વાઈરલ…
રિયાલિટી ટીવી શો બિગ બોસ-19માં દરરોજ કોઈને કોઈ હાઈ-વોલ્ટેજ ડ્રામાં જોવા મળી રહ્યો છે. આ અઠવાડિયે શોમાં ટિકિટ ટુ ફિનાલે ટાસ્ક થયો અને આ ટાસ્કમાં જ ખરો ડ્રામા જોવા મળ્યો. જોકે, આ ટાસ્ક દરમિયાન જ અશ્નુર કૌરે બિગ બોસ હાઉસના એક મહત્ત્વના નિયમનું ઉલ્લંઘન કર્યું હતું અને હવે તેને એની સજા ભોગવવી પડશે. ચાલો જોઈએ શું છે આખો મામલો…
બિગ બોસ-19ના મેકર્સ દ્વારા વીક-એન્ડ કા વારના શેર કરવામાં આવેલાં પ્રોમોમાં જોવા મળે છે કે સલમાન ખાન અશ્નુર કૌર પર ગુસ્સો કરે છે. ટિકિટ ટુ ફિનાલે ટાસ્કમાં ગુસ્સામાં આવીને અશ્નુરે તાન્યા મિત્તલને લાકડાનો ટુકડો ફેંકીને તેને ઈજા પહોંચાડવાનો પ્રયાસ કરે છે. જોકે, આ મામલે અશ્નુરે એવી સ્પષ્ટતા આપી કે તેણે આવું જાણી જોઈને નથી કર્યું અને ભૂલથી આવું થયું હતું. જોકે, ફૂટેજ જોતાં અશ્નુર કૌરે આવું જાણી જોઈને કર્યું છે એવું દેખાઈ આવે છે.
શનિવારે વીક-એન્ડ કા વાર પર સલમાન ખાન આ ઘટના વિશે વાત કરે છે અને અશ્નુર કૌરને આડે હાથ લે છે. મળતી માહિતી મુજબ અશ્નુર કૌરને હવે તેની આ ભૂલની સજા મળશે. સલમાન ખાન ઘરનો એક મહત્ત્વનો નિયમ તોડવા માટે અશ્નુરને એલિમિનેટ કરશે.
આ પણ વાંચો: બિગ બોસ 19માં કોણ જીતશે? ફિનાલે પહેલાં ફરાહ ખાને કરી ભવિષ્યવાણી, જાણો કોણ છે…
વાઈરલ થઈ રહેલાં પ્રોમોમાં જોવા મળે છે કે સલમાન અશ્નુરને કહે છે કે તેણે જાણી જોઈને તાન્યા પર વૂડન પ્લેંક ફેંક્યું હતું. જોકે, અશ્નુર એ સમયે પણ આને એક ભૂલ ગણાવે છે અને જાણી જોઈને આવું નહીં કર્યું હોવાનું જણાવે છે. પરંતુ સલમાન એક્શન કરીને અશ્નુરને કહે છે કે તેણે ફોર્સફૂલી ઈરાદાપૂર્વક તાન્યાને ઈજા પહોંચાડવા માટે આવું કર્યું હતું. અશ્નુરે ઘરના મહત્ત્વના રૂલ તોડ્યો છે અને એટલે તેને સજા મળશે.
અશ્નુર કૌર સિવાય આ વીક એન્ડ કા વાર પર સલમાન ખાન ફરહાના ભટ્ટ પર પણ ગુસ્સો કરે છે. ફરહાના ભટ્ટે આ અઠવાડિયે ગુસ્સામાં પ્લેટ તોડી હતી અને એને કારણે તાન્યાને ઈજા પહોંચી હતી.
જોકે, પ્રોમોમાં અશ્નુરને બહાર આવતી નથી દેખાડવામાં આવતી, પરંતુ અશ્નુરના એલિમિનેશનની ખબરને 100 ટકા સાચી માનવામાં આવી રહી છે. એવું કહેવાઈ રહ્યું છે કે શોના છેલ્લાં વીક-એન્ડ કા વાર પર ડબલ એવિક્શન થશે. અશ્નુરની સાથે સાથે શહેબાઝ બદેશા પણ એલિમિનેટ થઈ ગયા છે. વોટિંગ ટ્રેન્ડમાં શહેબાઝ ખૂબ જ પાછળ હતો એટલે તેનું એલિમિનેશન એટલું શોકિંગ નહોતું.
