‘સામ્રાજ્ય’માં વિજય દેવરકોંડા સાથે ચમકશે ભાગ્યશ્રી બોરસે: કોણ છે આ ઉભરતી સ્ટાર?

દક્ષિણના અભિનેતા વિજય દેવરકોંડા ટૂંક સમયમાં તેમની શાનદાર ફિલ્મ ‘સામ્રાજ્ય’ સાથે રૂપેરી પડદે પાછા ફરવા જઈ રહ્યા છે. તાજેતરમાં જ ફિલ્મનું ટ્રેલર રિલીઝ થયું છે, જેને જોયા પછી લોકો ખૂબ જ સારી પ્રતિક્રિયાઓ આપી રહ્યા છે.

આ ફિલ્મમાં અભિનેતા એક ગુપ્ત એજન્ટની ભૂમિકા ભજવતો જોવા મળશે. ભાગ્યશ્રી બોરસે ‘સામ્રાજ્ય’માં વિજયની સામે જોવા મળશે. જોકે, તેને હજુ સુધી બહુ ખ્યાતિ મળી નથી, પરંતુ આ ફિલ્મ કારકિર્દી માટે ગેમચેન્જર બની શકે છે.

વિજય દેવરકોંડા અને ભાગ્યશ્રી બોરસે અભિનીત ફિલ્મ ‘સામ્રાજ્ય’ 31 જુલાઈના સિનેમાઘરોમાં રિલીઝ થઈ રહી છે. અભિનેતાના ચાહકો આ ફિલ્મની આતુરતાથી રાહ જોઈ રહ્યા છે.

આપણ વાંચો: સાઉથના સ્ટાર વિજય દેવરકોંડાએ કહ્યું લગ્ન કરવા છે પણ…

આ ફિલ્મનું નિર્દેશન ગૌતમ તિનુંનરી દ્વારા કરવામાં આવ્યું છે. ‘સામ્રાજ્ય’માં એક નવી જોડી જોવા મળશે અને વિજય પણ આ ફિલ્મમાં ખૂબ જ અલગ ભૂમિકામાં જોવા મળશે. ભાગ્યશ્રી આ પહેલા ઘણી ફિલ્મોમાં કામ કરી ચૂકી છે, પરંતુ તેણે કોઈ પણ ફિલ્મમાં મુખ્ય ભૂમિકા ભજવી નથી.

જો ભાગ્યશ્રીના અંગત જીવનની વાત કરીએ તો તેણે પોતાની કારકિર્દીની શરૂઆત મોડેલિંગથી કરી હતી. ભાગ્યશ્રી મહારાષ્ટ્રના ઔરંગાબાદની રહેવાસી છે. તેણે બિઝનેસ મેનેજમેન્ટમાં ડિગ્રી મેળવી છે.

અભિનેત્રીએ પોતાનું સ્કૂલિંગ દક્ષિણ આફ્રિકાથી કર્યું હતું, પરંતુ તે ગ્રેજ્યુએશન માટે ભારત પાછી ફરી હતી. જ્યારે ભાગ્યશ્રીએ મોડેલ તરીકે પોતાની ઓળખ બનાવી ત્યારે તે માત્ર 18 વર્ષની હતી. બાદમાં તે ફિલ્મી દુનિયા તરફ વળી.

આપણ વાંચો: રશ્મિકા મંદાનાને ફિલ્મ ‘એનિમલ’ માટે એવું શું કહ્યું કે લોકો તેને ટ્રોલ કરી રહ્યા છે?

વર્ષ 2023માં ભાગ્યશ્રીએ ‘યારિયાં 2’થી બોલીવુડમાં પ્રવેશ કર્યો હતો. આ ફિલ્મમાં તેણે ‘રાજલક્ષ્મી’ની ભૂમિકા ભજવી હતી. બાદમાં તેણે હિન્દી ફિલ્મોની સાથે દક્ષિણની ફિલ્મોમાં પણ પોતાનું નસીબ અજમાવવાનું શરૂ કર્યું હતું.

વર્ષ 2024માં ભાગ્યશ્રી તેલુગુ ફિલ્મ ‘મિસ્ટર બચ્ચન’ માં જોવા મળી હતી, તે જ વર્ષે તે કાર્તિક આર્યનની ફિલ્મ ‘ચંદુ ચેમ્પિયન’નો પણ ભાગ હતી. ભાગ્યશ્રી તેલુગુ ફિલ્મ ‘મિસ્ટર બચ્ચન’માં અભિનેતા રવિ તેજા સાથે જોવા મળી હતી, પરંતુ આ ફિલ્મથી તે ઇન્ડસ્ટ્રીમાં ખાસ ઓળખ બનાવી શકી નહીં.

‘સામ્રાજ્ય’ ફિલ્મ વિશે વાત કરીએ તો તે એક પેન ઇન્ડિયા ફિલ્મ છે, જે તમિલ, તેલુગુ અને હિન્દીમાં રિલીઝ થવા જઈ રહી છે. તમિલ, તેલુગુમાં આ ફિલ્મ ‘કિંગડમ’ નામથી રિલીઝ થશે, જ્યારે હિન્દીમાં આ ફિલ્મ ‘સામ્રાજ્ય’ નામથી રિલીઝ થશે. ફિલ્મના ટ્રેલરમાં એક્શન જોઈને અંદાજ લગાવી શકાય છે કે આ ફિલ્મ લોકોનું ભરપૂર મનોરંજન કરશે.

આપણ વાંચો: શો-શરાબા : નો નેપોટિઝમનો NO…હવે ફિલ્મ્સ કોની….કિડ્સ ઓફ સ્ટારની કે પછી સ્ટોરીની?

‘સામ્રાજ્ય’ની ચર્ચા વચ્ચે અભિનેત્રી તેની વધુ એક ફિલ્મ માટે સમાચારમાં છે. જેનું નામ ‘કાંથા’ છે. આ ફિલ્મ દક્ષિણ અભિનેતા દુલ્કર સલમાન સાથે છે તાજેતરમાં જ અભિનેતાના જન્મદિવસ નિમિત્તે ફિલ્મનું ટીઝર રિલીઝ કરવામાં આવ્યું હતું.

સેલ્વરાજ સેલ્વમણિ દ્વારા દિગ્દર્શિત ‘કાંથા’ 12 સપ્ટેમ્બરના રોજ રિલીઝ થવા જઈ રહી છે. આ ફિલ્મમાં દુલ્કર સલમાન અને ભાગ્યશ્રી ઉપરાંત, સમુથીરકાની પણ મુખ્ય ભૂમિકામાં હશે. સોશિયલ મીડિયા પર લોકો ફિલ્મના ટીઝરને ખૂબ પસંદ કરી રહ્યા છે.

એટલું જ નહીં, અભિનેત્રી પાસે પાઇપલાઇનમાં અન્ય પ્રોજેક્ટ્સ છે. ‘સામ્રાજ્ય’ અને ‘કાંથા’ ઉપરાંત, ભાગ્યશ્રી પ્રખ્યાત ફિલ્મ નિર્માતા એટલીની ફિલ્મ AA22xA6 માં જોવા મળશે. આ ખૂબ જ મોટા બજેટની ફિલ્મ છે.

‘સામ્રાજ્ય’ (કિંગડમ) સિવાય આ બીજો પ્રોજેક્ટ છે જે તેને મળ્યો છે. બંને ફિલ્મો અભિનેત્રીના કરિયરનો ગ્રાફ બદલી શકે છે. AA22xA6માં અલ્લુ અર્જુન મુખ્ય ભૂમિકામાં હશે. હાલમાં ફિલ્મનું નિર્માણ કાર્ય ચાલી રહ્યું છે. અન્ય અભિનેત્રીઓ પણ તેમાં સામેલ છે.

ફિલ્મી દુનિયા સિવાય ભાગ્યશ્રીના જીવન વિશે વાત કરીએ તો અભિનેત્રી સોશિયલ મીડિયા પર ખૂબ જ સક્રિય છે. તેના ઓફિશિયલ ઇન્સ્ટાગ્રામ એકાઉન્ટને જોતાં કહી શકાય કે તેને પ્રવાસ અને એડવેન્ચરનો શોખ છે.

તેણે ઘણી બધી તસવીરો પણ શેર કરી છે. અભિનેત્રીના એક મિલિયનથી વધુ ફોલોઅર્સ છે. તેના પ્રોફાઇલ પર તેનો ડોગી પણ જોઈ શકાય છે, જેનું નામ જિયા છે.