એક્સ વાઈફ કહેશો નહીંઃ રહેમાનની તબિયત લથડ્યા પછી સાયરા બાનોએ કરી અપીલ
બોલીવુડના પ્રખ્યાત સંગીતકાર અને ગાયક એઆર રહેમાનની પત્નીએ એક નિવેદન આપ્યું છે. એઆર રહેમાનની પત્ની સાયરા બાનોએ કહ્યું કે, મહેરબાની કરીને કોઈ તેને રહેમાનની એક્સ પત્ની કહીને બોલાવે નહીં. તેણે કહ્યું હતું કે હજી સુધી અમારા તલાક થયા નથી. મીડિયાને પણ વિનંતી કરતા કહ્યું હતું કે, તેને રહેમાનની એક્સ વાઈફ કહેવામાં આવે નહીં. એઆર રહેમાનની તબિયત ખરાબ હોવાના કારણે તેને હોસ્પિટલમાં દાખલ કરવામાં આવ્યો હતો. સિંગરને છાતીમાં દુઃખાવો શરૂ થયો હોવાના કારણે હોસ્પિટલ લઈ જવામાં આવ્યો હતો, પરંતુ તબીબોએ કેટલાક પરિક્ષણ કર્યા હતાં. જો કે, રિપોર્ટ નોર્મલ આવતા હોસ્પિટલમાંથી રજા આપી દેવામાં આવી હતી. આ દરમિયાન સાયરા બાનોએ મીડિયાને અપીલ કરી હતી.
આ પણ વાંચો: અચાનક એ.આર. રહેમાનની તબિયત લથડતા ચેન્નાઈની ખાનગી હોસ્પિટલમાં દાખલ…
પોતાના પતિની તબિયત ખરાબ હોવાના સમાચાર સાંભળ્યાં બાદ સાયરા બાનોએ મીડિયાને અપીલ કરી છે કે, હું દુઆ કરૂ છું કે, એઆર રહેમાનની તબિયત વહેલી તકે સારી થઈ જાય. મને સમાચાર મળ્યા હતાં કે, તેમને છાતીમાં દુઃખાવો શરૂ થયો હતો અને તેમને એન્જિયોપ્લાસ્ટી કરાવી પડી છે. અલ્લાહની દયાથી હવે બધું બરાબર છે.’ સાયરા બાનોએ પણ પોતાના પતિના સારા સ્વાસ્થ્ય માટે દુઆ કરી છે. આ સાથે સાથે મીડિયા સામે પણ મહત્વનું નિવેદન આપ્યું હતું.
આ પણ વાંચો: એ આર રહેમાનના બચાવમાં ઉતરી એક્સ વાઇફ સાયરા
મને એક્સ વાઈફ કહીને બોલાવશો નહીં…
વધુમાં સાયરા બાનોએ મીડિયાને અપીલ કરતા કહ્યું કે, હું મીડિયાના લોકોને અપીલ કરૂ છું કે, મને એઆર રહેમાનની એક્સ વાઈફ કરીને ના બોલાવો. હજી પણ અમે પતિ-પત્ની છીએ જ. વાત માત્ર એટલી જ છે કે, અમે માત્ર અલગ થયા છીએ, પરંતુ મારી દુઆ હંમેશાં તેમની સાથે જ છે. અમારા સત્તાવાર રીતે છૂટાછેડા (તલાક) થયા નથી, અમે હજુ પણ પતિ-પત્ની છીએ.’ મારા સ્વાસ્થ્યના કારણોસર અમારે અલગ થવું પડ્યું છે. છેલ્લા બે વર્ષથી મારી તબિયત સારી નહોતી અને હું તેને વધારે તણાવ આપવા માંગતી નહોતી.
રૂટિન ચેકઅપ બાદ તેમને રજા આપવામાં આવી
એઆર રહેમાનના સ્વાસ્થ્યની વાત કરવામાં આવે તો, બોલિવૂડના પ્રખ્યાત સંગીતકાર અને ગાયક એઆર રહેમાનને રવિવારે સવારે ચેન્નઈની એક હોસ્પિટલમાં દાખલ કરવામાં આવ્યા હતા. એપોલો હોસ્પિટલના મેડિકલ બુલેટિન પ્રમાણે એઆર રહેમાનમાં ડિહાઇડ્રેશનના લક્ષણો હતા. રૂટિન ચેકઅપ બાદ તેમને રજા આપવામાં આવી છે. અત્યારે તેમની તબિયતમાં સુધારો હોવાનું મીડિયા સૂત્રો દ્વારા જાણવા મળ્યું છે. ખાસ કરીને એઆર રહેમાનની પત્નીએ પણ તેના સારા સ્વાસ્થ્ય માટે દુઆઓ કરી છે. સાયરા બાનોનું નિવેદન પણ અત્યારે મીડિયામાં ચર્ચાઈ રહ્યું છે.