બોલીવૂડના મહાનાયક અમિતાભ બચ્ચન 83 વર્ષે પણ સુપર એક્ટિવ છે. બિગ બી હાલમાં ફિલ્મો સિવાય લોકપ્રિય ક્વિઝ શો કૌન બનેગાકરોડપતિ પણ હોસ્ટ કરી રહ્યા છે. પરંતુ શું તમને ખબર છે કે જો બિગ બી એક્ટિંગની દુનિયામાં ના આવ્યા હોત તો આજે તેઓ શું કરી રહ્યા હોત? નહીં ને? ચાલો આજે તમને આ વિશે જણાવીએ…
વાત જાણે એમ છે કે સોશિયલ મીડિયા પર હાલમાં એક વીડિયો વાઈરલ થઈ રહ્યો છે. આ વીડિયો 90 દાયકામાં યોજાયેલા એક એવોર્ડ ફંક્શનનો છે. આ વીડિયોમાં સેલેબ્સને પૂછવામાં આવ્યું કે જો તેઓ એક્ટિંગ ના કરતાં હોત તો આજે તેઓ શું કરતાં હોત? આ સવાલનો અનેક સેલેબ્સે ખૂબ મજાકિયા અંદાજમાં આપ્યો, પરંતુ આ બધામાં બિગ બીએ આપેલો જવાબ ખૂબ જ અનોખો અને ચોંકાવનારો હતો.
આ પણ વાંચો: હોસ્પિટલમાંથી રજા મળતાં જ ધર્મેન્દ્રને મળવા પહોંચ્યા અમિતાભ બચ્ચન? વીડિયો થયો વાઈરલ
વીડિયોમાં જોવા મળે છે કે જ્યારે બિગ બીને પૂછવામાં આવે છે કે જો તમે એક્ટિંગ ના કરતાં હોત તો તમે શું કરતાં હોત? જેના જવાબમાં બિગ બી કહે છે કે તો હું ઈલાહાબાદની ગલીઓ દૂધ વેંચતો હોત. અહીંયા તમારી જાણ માટે કે બિગ બી ઈલાહાબાદના વતની છે અને તેઓ સ્ટડી કમ્પલિટ કરીને નોકરી માટે કોલકતા આવ્યા હતા. જોકે, નિયતીને કંઈક અલગ જ મંજૂર હતું અને તેઓ બોલીવૂડમાં એક્ટિંગની દુનિયામાં આવી ગયા.
આ પણ વાંચો: 13 વર્ષ જૂના એપાર્ટમેન્ટ વેચીને અમિતાભ બચ્ચને કર્યો 47 ટકાનો નફો, ડીલ જોઈને તમારી આંખો પણ…
બીજા સેલેબ્સની વાત કરીએ તો આમિર ખાને પણ જણાવ્યું કે જો તે એક્ટર ના હોત તો ટીચર હોત. સની દેઓલે પણ એક્ટર નહીં હોત તો સ્પોર્ટ્સ પર્સન બનવાની વાત કહી હતી. આ સિવાય અમરીશ પૂરીએ પણ જણાવ્યું એક્ટર બનતાં પહેલાં તેઓ સરકારી નોકરી કરતાં હતા અને જો એક્ટિંગમાં બ્રેક ના મળ્યો હોત તો તેઓ એ જ નોકરી કરતાં હોત.
અનુપમ ખેર અને ગુલશન ગ્રોવરે તો આ સવાલનો ચોંકાવનારો જવાબ આપ્યો છે. બંને જણે જણાવ્યું હતું કે જો તેઓ એક્ટર બની શક્યા હોત તો જીવનમાં કંઈ જ ના બની શક્યા હોત. અનુપમ ખેરે જણાવ્યું હતું કે જો એક્ટર ના બન્યો હોત તો હું જીવનમાં કોઈ પણ કામ વિનાનો રહી ગયો હોત, જ્યારે ગુલશન ગ્રોવરે જણાવ્યું કે જો હું એક્ટર ના બન્યો હોતો તો હું મરી જ ગયો હોત. તમે પણ આ વાઈરલ વીડિયો ના જોયો હોય તો અત્યારે જ જોઈ લો…
