આલિયા ભટ્ટે પોતાને ‘ડ્રીમર’ ગણાવી આ તસવીર શેર કરીને લખી મોટી વાત…

મુંબઈઃ આલિયા ભટ્ટ બોલીવુડની ટોચની અભિનેત્રીઓમાંની એક છે. તેણે પોતાની કરિયરમાં અત્યાર સુધીમાં ઘણી બધી બ્લોકબસ્ટર ફિલ્મો આપી છે અને પોતાના દમદાર અભિનયથી લોકોના દિલમાં જગ્યા બનાવી છે. આલિયાની પણ મોટી ફેન ફોલોઈંગ છે, જે અભિનેત્રીના જીવન સાથે જોડાયેલી દરેક નાની-નાની વાત જાણવા માટે ખૂબ જ ઉત્સુક છે.

આલિયા તેની તસવીરોથી લઈને તેની પર્સનલ લાઈફ સુધીની દરેક વસ્તુ તેના ફેન્સ સાથે શેર કરે છે. હવે તેની તાજેતરની પોસ્ટમાં આલિયાએ પોતાને એક ડ્રીમર (સ્વપ્નદ્રષ્ટા) ગણાવી અને તેની સવારની દિનચર્યા પણ જાહેર કરી છે. આલિયા ભટ્ટે તેની પોસ્ટમાં ખુલાસો કર્યો હતો કે તે એક “ડ્રીમર” છે. વાસ્તવમાં તેના ઇન્સ્ટાગ્રામ સ્ટોરીઝ સેક્શનમાં આલિયાએ તેના મોટા સફેદ કોફી મગની એક તસવીર શેર કરી હતી જેના પર લખ્યું હતું “ડ્રીમર”.

આપણ વાંચો: ‘જો મારા સંતાનો રણબીર કપૂર-આલિયા ભટ્ટ જેવા ટેલેન્ટેડ હોત તો…’ પરેશ રાવલે આ શું કહ્યું?

તમને જણાવી દઈએ કે આ મહિનાની શરૂઆતમાં અભિનેત્રીએ તેના પરિવાર સાથે નવા વર્ષના વેકેશનની ઘણી તસવીરો શેર કરી હતી. તસવીરોમાં તેના પતિ અને અભિનેતા રણબીર, તેની પુત્રી રાહા કપૂર, તેની માતા સોની રાઝદાન, નિર્દેશક અયાન મુખર્જી, તેની સાસુ નીતુ કપૂર અને ભાભી રિદ્ધિમા કપૂર સાહની સંપૂર્ણ મસ્તીના મૂડમાં જોવા મળ્યા હતા. તસવીરો શેર કરતી વખતે, આલિયાએ કેપ્શનમાં લખ્યું હતું કે “૨૦૨૫: જ્યાં પ્રેમ દોરી જાય છે અને બીજું બધું અનુસરે છે…!! બધાને નવા વર્ષની શુભકામનાઓ.”

વર્ક ફ્રન્ટની વાત કરીએ તો આલિયા છેલ્લે ‘જિગરા’માં જોવા મળી હતી. આ ફિલ્મ બોક્સ ઓફિસ પર ફ્લોપ રહી હતી. અભિનેત્રી હવે ‘આલ્ફા’માં જોવા મળશે. આ ફિલ્મનું નિર્દેશન શિવ રવૈલે કર્યું છે. યશરાજની જાસૂસી દુનિયાની આ સૌથી પહેલી મહિલા કેન્દ્રિત ફિલ્મ છે.

આપણ વાંચો: એક જ ઘરમાં હોવા છતાં આલિયા ભટ્ટ અને રણબીર કપૂર દરરોજ રાત્રે કેમ લડે છે?

‘આલ્ફા’માં આલિયા ઉપરાંત શર્વરી વાઘ અને અનિલ કપૂર પણ મહત્વની ભૂમિકામાં છે. આ સિવાય આલિયા ભટ્ટ સંજય લીલા ભણસાલીની લવ એન્ડ વોરમાં પણ જોવા મળશે. આ ફિલ્મમાં તે રણબીર કપૂર અને વિકી કૌશલ સાથે સ્ક્રીન શેર કરતી જોવા મળશે.