‘જોલી એલએલબી 3’માં અક્ષય અને અરશદ સામ-સામે, જાણો કોણે કેટલી ફી લીધી?
મુંબઈ: કોમેડી-કોર્ટરૂમ ડ્રામા ફિલ્મ ‘જોલી એલએલબી'(2013) અને ‘જોલી એલએલબી 2′(2017)ની સફળતા બાદ હવે ‘જોલી એલએલબી ૩’ ફિલ્મ આવતીકાલે થિયેટર્સમાં રિલીઝ કરવામાં આવશે. આ ફિલ્મમાં સુભાષ કપૂર દ્વારા ડિરેક્ટ કરવામાં આવેલી આ ફિલ્મમાં અક્ષય કુમાર અને અરશદ વારસી ઉપરાંત સૌરભ શુક્લા, અમૃતા રાવ, હુમા કુરેશી, ગજરાજ રાવ અને સીમા બિશ્વાસ પણ મુખ્ય ભૂમિકાઓમાં જોવા મળશે ત્યારે આ ફિલ્મ માટે કયા કલાકારે કેટલી ફી લીધી છે? આવો જાણીએ.
અક્ષય કુમાર અને અરશદ વારસીને ફી કેટલી?
ફિલ્મી સૂત્રો પાસેથી મળતી માહિતી મુજબ ‘જોલી એલએલબી 3’ ફિલ્મમાં અક્ષય કુમાર સૌથી મોંઘો કલાકાર સાબિત થયો છે. આ ફિલ્મ માટે અક્ષય કુમારે 70 કરોડ રૂપિયા ફી વસૂલી છે. જ્યારે અરસદ વારસીને આ ફિલ્મ માટે માત્ર 4 કરોડ રૂપિયા ફી મળી છે. અભિનેત્રી હુમા કુરેશીને 2 કરોડ રૂપિયા ફી આપવામાં આવી છે.
આ પણ વાંચો: ‘જોલી એલએલબી 3’ વિવાદમાંઃ ફિલ્મના પ્રતિબંધની માંગ સાથે હાઇ કોર્ટમાં અરજી
સૌરભ શુક્લા આ ફિલ્મની સીરીઝ સાથે શરૂઆતથી જોડાયેલા છે. તેઓ શરૂઆતથી જ આ ફિલ્મમાં જજની ભૂમિકા ભજવી રહ્યા છે. તેઓને આ ફિલ્મ માટે 70 લાખ રૂપિયા ફી આપવામાં આવી છે. જ્યારે અન્નુ કપૂરને 50 લાખ રૂપિયા ફી આપવામાં આવી છે.
ફિલ્મની રસપ્રદ સ્ટોરીએ ચાહકોને આતુર કર્યા
‘જોલી એલએલબી ૩’ ફિલ્મમાં જગદીશ ત્યાગી(અરશદ વારસી) અને જગદીશ મિશ્રા(અક્ષય કુમાર) બંને એકબીજાની આમનેસામને કેસ લડતા જોવા મળશે, જેમાં એક ખેડૂત અને એક શક્તિશાળી રાજનેતા વચ્ચેના વિવાદના કેસની વાત છે. ટ્રેલર પરથી આ ફિલ્મ ઘણી રસપ્રદ હશે. એવું લાગી રહ્યું છે. જેથી ‘જોલી એલએલબી’ ફિલ્મની સીરીઝના ચાહકો આ ફિલ્મને જોવા માટે આતુર થઈ રહ્યા છે.
