બોલીવુડના સુપરસ્ટાર અમિતાભ બચ્ચનના પુત્ર અભિષેકની ફિલ્મ ‘કાલિધર લાપતા’ ઓટીટી પર રિલીઝ થઇ છે. ચાહકો આ ફિલ્મની આતુરતાથી રાહ જોઈ રહ્યા હતા. હવે જ્યારે આ ફિલ્મ રિલીઝ થઈ ગઈ છે, ત્યારે તેને ખૂબ પ્રશંસા મળી રહી છે. ચાહકો તરફથી ખૂબ જ સારો પ્રતિસાદ મળી રહ્યો છે. અમિતાભ બચ્ચન પોતે તેમના પુત્રના અભિનયથી ખૂબ ખુશ છે અને તેઓ જાહેરમાં અભિષેકની પ્રશંસા કરતા જોવા મળે છે. બિગ બીએ સોશિયલ મીડિયા પર જુનિયર બીના વખાણ કર્યા છે અને તેમના પર પ્રેમ વરસાવ્યો છે.
અમિતાભ બચ્ચને ઇન્સ્ટાગ્રામ પર અભિષેકનો એક ફોટો શેર કર્યો છે. આ ફોટોમાં અભિષેક કેઝ્યુઅલ લૂકમાં એકદમ શાનદાર દેખાઈ રહ્યો છે. અમિતાભ બચ્ચને અભિષેકનો ફોટો શેર કરીને કેપ્શનમાં લખ્યું – મારો ગર્વ અને મારો અનંત પ્રેમ, તમે કેટલી સુંદર રીતે તમારી પોતાની શરતો પર બધી પ્રશંસા અને ઓળખ મેળવી રહ્યા છો. ‘કાલિધર લાપતા’ થઈ શકે છે પણ અભિષેક બચ્ચન ક્યારેય આપણા હૃદયમાંથી ગુમ થઈ શકે નહીં.
અમિતાભની આ પોસ્ટ પર ચાહકો તરફથી પ્રતિક્રિયાઓ આવવા લાગી છે. એક યૂઝરે ટિપ્પણી કરી અને લખ્યું – આ અભિષેકનું એવોર્ડ વિનિંગ પરફોર્મન્સ છે. બીજા એક વ્યક્તિએ લખ્યું- મેં તાજેતરમાં જ કાલિધર લાપતા ફિલ્મ જોઈ. આ અદ્ભુત ફિલ્મ જોઈને મને ખૂબ જ આશ્ચર્ય થયું. અભિષેક બચ્ચન અને બાળ કલાકારે અદ્ભુત અભિનય કર્યો છે. બીજા એક યૂઝરે ટિપ્પણી કરી અને લખ્યું- અભિષેક બચ્ચન રોક્સ. બીજા એક વ્યક્તિએ લખ્યું- અભિષેક ખરેખર ખાસ છે.
અભિષેક બચ્ચન વિશે વાત કરીએ તો, બોલીવુડની ફિલ્મોમાં અભિનેતાએ 2 દાયકાથી વધુ આ ઉદ્યોગમાં છે. આ સમય દરમિયાન અભિષેકે ઘણી નાની-મોટી ફિલ્મોમાં અભિનય કર્યો છે, પરંતુ છેલ્લા કેટલાક સમયથી, તેઓ મુખ્ય ભૂમિકાઓમાં કમાલ કરી રહ્યા છે.
અભિષેકની જાણીતી ફિલ્મની વાત કરીએ તો ‘લુડો’ હોય, ‘દસવી’ હોય કે ‘ઘૂમર’ હોય, અભિષેકનો અભિનય ખૂબ જ કમાલ હતો. તેણે ઓટીટીની દુનિયામાં પણ કેટલાક પ્રશંસનીય કામ કર્યા છે. હવે અભિનેતાની ફિલ્મ ‘કાલિધર લાપતા’ બધે પ્રશંસા મેળવી છે.
આ પણ વાંચો : દીકરા અભિષેકની ફિલ્મ ‘કિંગ’ની બિગ બીએ આપી અપડેટ, ફોલોઅર્સે કર્યા ટ્રોલ
