તો જ આદમી બને સાચો ઈન્સાન

આચમન -કબીર સી. લાલાણી

ચીનના મહાન ફિલસૂફ ક્ધફયુસસે એક વાત સરસ કરી છે કે સંસ્કાર બે પ્રકારના છે-

• એક અપાયેલા
  -અને
• બીજા સ્વીકારાયેલા
  -આમાં સ્વીકૃત સંસ્કારનું મહત્ત્વ વધારે છે
  -કારણ એ સંસ્કાર શિક્ષણ દ્વારા મળે છે, જન્મજાત નથી. હોતા
  બે હજાર વર્ષ પહેલાં ફિલસૂફે કહેલી વાત હવે માનસતજજ્ઞો પણ સ્વીકારે છે અને કહે છે કે-
• જન્મજાત સંસ્કારોમાં
  -માનવીના સ્વભાવ,
• વર્તન,
• વલણ,
• વિચાર,
• વ્યવહારના ગુણોનો સમાવેશ થતો નથી.
• આ ગુણો શિક્ષણ દ્વારા કોઈ પણ પામી શકે છે અને એટલે જ
• જન્મથી જંગલમાં વરુઓની વચ્ચે ઉછરેલ બાળક વરુની જેમ જ વર્તે છે પણ એને માણસ વચ્ચે લવાયા પછી એની વરુતા શિક્ષણ દ્વારા ભૂંસી શકાય છે.
  પ્રયત્નશીલ રહો
  પ્રત્યેક દિન, પ્રત્યેક પળ
• એક તક છે.
• તેને ખોશો નહીં.
• સતત પ્રયત્નશીલ રહો અને
• ધ્યેય તરફ આગળ વધો.
• સતત વહેતી રહેવાથી સરિતા સાગરને મળે છે.
• વરસાદનાં ટીપે ટીપે નદી, નાળાંઓ, સરોવર છલકાઈ જાય છે.
• રામ રામ સતત જપ કરતાં રત્નાકર લૂંટારો મહાન ત્રિકાળજ્ઞાની ઋષિ વાલ્મીકિ બન્યો.
• તમારે માટે પણ કાંઈ પણ અશક્ય નથી.
• માનવીની અસીમ ગર્ભિતશક્તિ અને શક્યતાઓ મહાન લોકોએ ચીંધી છે.
• સતત હલેસાં મારવાથી નૌકા સામે પાર લક્ષ્યસ્થાને પહોંચે છે.
• જો અટકે તો (માયારૂપી)નદીનો પ્રવાહ નીચે ઘસડી જાય છે.
• તમારામાં રહેલો (મુમુક્ષત્વનો) અગ્નિ સતત પ્રદીપ્ત રાખોનો પરમજ્ઞાન આપતા પૂજ્ય સ્વામી શ્રી ચિદાનંદજી કહે છે કે,
• તમારી વાસનાઓ ઘટાડતા જાવ અને પાત્રતા વધારતા જાવ.
• પ્રબળ ઉત્સાહભેર,
• આનંદભેર સતત પ્રયત્નશીલ રહો.
• ઈશ્ર્વરની મદદ તમને મળતી રહેશે.
• અમરતાના સામે પાર તમે પહોંચો અને
• જીવનમુક્ત સંત તરીકે પ્રકાશો.
  આજનો અવસર
• કેવળ આજ જ તમારી છે.
• ગઈકાલ વીતી ગઈ છે.
• આવતીકાલ અનિશ્ર્ચિત છે.
• આજની ઘડીનો શ્રેષ્ઠ ઉપયોગ કરી લો.
• ઊઠો અને મંડી પડો.
• આજનો અવસર પરોપકાર અને ભક્તિમાં વિતાવો.
• કોને ખબર આ સુવર્ણ તક ફરી આવશે કે નહીં.
• આળસ ખંખેરી નાખો.
• તમારે ઉદાત આદર્શો સિદ્ધ કરવાના છે.
• કાલ પર છોડશો નહીં.
• કાલ ક્યારેય આવતી નથી.
  એક પ્રશ્ર્ન
  ‘બારે બુદ્ધિ, સોળે સાન, વીસેવાન, પચીસે જો રહે સાનભાન તો જ આદમી બને સાચો ઈન્સાન…!’
• જીવનનું પચીસમું વર્ષ ખરેખર મહત્ત્વનું વર્ષ છે.
• વડીલો કદાચ એટલે જ એને ગદ્ધાપચીસીનું વર્ષ કહે છે.
• આ વર્ષમાં જો માણસની અક્કલ ઠેકાણે રહે તો એ માતાપિતા, પરિવાર, સમાજ અને દેશનું નામ રોશન કરનાર સાચો ઈન્સાન બની રહે છે.
• પરંતુ આ સમયગાળામાં એ સાનભાન ગુમાવી બેસે તો…?
• આપના ઉત્તરની અપેક્ષા.