અનવર વલિયાણી
આજથી લગભગ બે હજાર વર્ષ પહેલાં ચીનના મહાન ફિલસુફ કન્ફયુસસે એક વાત સરસ કરી છે કે સંસ્કાર બે પ્રકારના છે:
*એક અપાયેલા અને બીજા સ્વીકારાયેલા!
-આમાં સ્વીકૃત સંસ્કરાનું મહત્ત્વ વધારે છે.
-કારણ એ સંસ્કાર શિક્ષણ દ્વારા મળે છે, જન્મજાત નથી હોતા.
-કન્ફયુસસ કહેલી આ વાતને ભલે બે બજાર વર્ષના વહાણ વહી ગયા હોય, વીતી ગયા હોય પણ આજના હરણફાળ પ્રગતિ ભણી દોડ મૂકી રહેલા યુગના માનસતજજ્ઞો પણ તેને સ્વીકારે છે અને કહે છે કે-જન્મજાત સંસ્કારોમાં ઈન્સાનના સ્વભાવ, વર્તન, વલણ, વિચાર અને વ્યવહારના ગુણોનો સમાવેશ થતો નથી.
-આ ગુણો શિક્ષણ દ્વારા કોઈપણ પામી શકે છે અને એટલે જ જન્મથી જંગલમાં વરુઓની જેમ ઉછરેલ બાળક વરુની જેમ જ વર્તે છે પણ એને માણસ વચ્ચે લવાયા પછી એની વરુતા શિક્ષણ દ્વારા ભૂંસી શકાય છે.
પ્રયત્નશીલ રહો:
પ્રત્યેક દિન, પ્રત્યેક પળ એક તક છે. તેને ખોશો નહીં. સતત પ્રયત્નશીલ રહો અને ધ્યેય તરફ આગળ વધો. સતત વહેતી રહેવાથી સરિતા સાગરને મળે છે.
*વરસાદનાં ટીપે ટીપે નદી, નાળાંઓ, સરોવર છલકાઈ જાય છે.
*રામ રામ સતત જપ કરતાં વાલિયો લૂંટારો ઋષિ વાલ્મીકિ બન્યો.
*તમારે માટે પણ કાંઈ પણ અશક્ય નથી.
*માનવીની અસીમ ગર્ભિતશક્તિ અને શક્યતાઓ મહાન લોકોએ ચીંધી છે.
*સતત હલેસાં મારવાથી નૌકા સામે પાર લક્ષ્યસ્થાને પહોંચે છે.
-જો અટકે તો (માયારૂપી) નદીનો પ્રવાહ નીચે ઘસડી જાય છે.
-તમારામાં રહેલો (મુમુક્ષત્વનો) અગ્નિ સતત પ્રદીપ્ત રાખોનો પરમજ્ઞાન આપતા પૂજ્ય સ્વામી શ્રી ચિંદાનંદજી કહે છે કે,
*તમારી વાસનાઓ ઘટાડતા જાવ અને પાત્રતા વધારતા જાવ.
*પ્રબળ ઉત્સાહભેર,
*આનંદભેર સતત પ્રયત્નશીલ રહો.
*ઈશ્વરની મદદ તમને મળતી રહેશે.
*અમરતાના સામે પાર તમે પહોંચો અને
*જીવનમુક્ત સંત તરીકે પ્રકાશો
આજનો અવસર
- કેવળ આજ જ તમારી છે.
- ગઈકાલ વીતી ગઈ છે.
- આવતીકાલ અનિશ્ચિત છે.
- આજની ઘડીનો શ્રેષ્ઠ ઉપયોગ કરી લો.
- ઊઠો અને મંડી પડો.
- આજનો અવસર પરોપકાર અને ભક્તિમાં વિતાવો.
- કોને ખબર આ સુવર્ણ તક ફરી આવશે કે નહીં.
- આળસ ખંખેરી નાખો.
- તમારે ઉદ્દાત આદર્શો સિદ્ધ કરવાના છે.
- કાલ પર છોડશો નહીં.
- કાલ ક્યારેય આવતી નથી.
એક પ્રશ્ન
‘સોળે સાન, વીસે વાન, પચીસે જો રહે સાનભાન તોજ આદમી બને સાચો ઈન્સાન…!’
*જીવનનું પચીસમું વર્ષ ખરેખર મહત્ત્વનું વર્ષ છે.
*વડીલો કદાચ એટલે જ એને ગધ્ધાપચીસીનું વર્ષ કહે છે.
*આ વર્ષમાં જો માણસની અક્કલ ઠેકાણે રહે તો એ માતાપિતા, પરિવાર, સમાજ અને દેશનું નામ રોશન કરનાર સાચો ઈન્સાન બની રહે છે.
*પરંતુ આ સમયગાળામાં એ સાનભાન ગુમાવી બેસે તો…?
આ પણ વાંચો…આચમન: ગણપતિ: સંગઠન ને શક્તિનું પ્રતીક
