કોલકાતાઃ ટી બોર્ડે તેના કર્મચારીઓની વર્તમાન ફરજો અને જવાબદારીઓ અંગેની માહિતીઓ મેળવવા માટેના અભ્યાસ (કેડર રિસ્ટ્રક્ચરિંગ) માટેનું કાર્ય નેશનલ પ્રોડક્ટિવિટી કાઉન્સિલ (રાષ્ટ્રીય ઉત્પાદકતા પરિષદ)ને સોંપ્યું છે.
બોર્ડે જણાવ્યું હતું કે આ અભ્યાસનો હેતુ દરેક કર્મચારીઓની વર્તમાન નોકરી અને તેની સાથે સંકળાયેલી ફરજ અને જવાબદારીઓ અંગેની માહિતી મેળવવાનો છે. આ માટે કર્મચારીઓને એક પ્રશ્નાવલીનું ફોર્મ મોકલવામાં આવ્યું છે જે ભરીને તેના વિશ્લેષણ માટે બોર્ડને મોકલવાનું રહેશે.
આપણ વાચો: નીતિ આયોગનું રાજ્યની ‘આર્થિક સ્થિતિ’માં બગાડનું નિદાન
વધુમાં બોર્ડે એવી પણ સ્પષ્ટતા કરી હતી કે આ પ્રશ્નાવલી કર્મચારીઓની વર્તમાન નોકરી અંગેના પ્રદર્શન વિશે કોઈ માહિતી મેળવવાનો પ્રયાસ નથી કરતી, પરંતુ ફક્ત તે જ માહિતી મેળવવાનો પ્રયાસ કરે છે, જે કર્મચારી દ્વારા પરિપૂર્ણ કરવા જરૂરી છે.
