(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે સ્મોલ ગે્રડની ખાંડમાં સ્થાનિક તેમ જ દેશાવરોની માગને ટેકે ટેન્ડરોમાં વેપાર ક્વિન્ટલે રૂ. 10ના સુધારા સાથે રૂ. 3860થી 3900માં થયાના અહેવાલ છતાં આજે સ્થાનિક જથ્થાબંધ ખાંડ બજારમાં સ્ટોકિસ્ટોની નવી લેવાલીનો અભાવ અને રિટેલ સ્તરની માગ પણ મર્યાદિત રહેતાં ખાસ કરીને મિડિયમ ગે્રડની ખાંડમાં નીચલા મથાળેથી ક્વિન્ટલે રૂ. 10નો અને ઉપલા મથાળેથી રૂ. બેનો ઘટાડો આવ્યો હતો,
જ્યારે સ્મોલ ગે્રડની ખાંડમાં ઉપલા મથાળેથી ક્વિન્ટલે રૂ. બેનો સાધારણ ગુણવત્તાલક્ષી ઘટાડો આવ્યો હતો. વધુમાં આજે નાકા ડિલિવરી ધોરણે ઔદ્યોગિક વપરાશકારોની માગ નિરસ રહેતાં ભાવ ક્વિન્ટલે રૂ. 10 ઘટી આવ્યા હતા.
આપણ વાંચો: ખાંડમાં મિલો પાછળ નાકા ડિલિવરી ધોરણે વધુ ₹ ૧૦ ઘટ્યા
બજારનાં સાધનોના જણાવ્યાનુસાર આજે સ્થાનિકમાં અંદાજે 29થી 30 ટ્રકની આવક સામે સ્ટોકિસ્ટોની નવી લેવાલીનો અભાવ અને રિટેલ સ્તરની માગ ખપપૂરતી મર્યાદિત રહેતાં ઉપાડ લગભગ 27થી 28નો રહ્યો હતો.
આમ મર્યાદિત માગ વચ્ચે ખાસ કરીને સ્મોલ ગે્રડની ખાંડમાં અમુક માલની ગુણવત્તા નબળી આવી હોવાથી તેનાં વેપાર ઉપલા મથાળેથી ક્વિન્ટલે રૂ. બેના સાધારણ ઘટાડા સાથે રૂ. 3972થી 4070માં થયા હતા, જ્યારે મિડિયમ ગે્રડની ખાંડમાં નિરસ માગે વેપાર ઉપલા મથાળેથી ક્વિન્ટલે રૂ. બે અને નીચલા મથાળેથી રૂ. 10ના ઘટાડા સાથે રૂ. 4062થી 4150માં થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારોની માગ નિરસ રહેતાં ભાવમાં ક્વિન્ટલે રૂ. 10નો ઘટાડો આવ્યો હતો, જેમાં સ્મોલ ગે્રડની ખાંડના વેપાર ક્વિન્ટલે રૂ. 3920થી 3950માં અને મિડિયમ ગે્રડની ખાંડના વેપાર ક્વિન્ટલે રૂ. 3980થી 4030માં થયાના અહેવાલ હતા.
