(વાણિજ્ય પ્રતિનિધિ તરફથી)
નવી મુંબઈઃ સ્થાનિક જથ્થાબંધ ખાંડ બજારમાં આજે સપ્તાહના અંતે ખાસ કરીને રિટેલ સ્તરની માગને ટેકે હાજરમાં સ્મોલ ગે્રડની ખાંડમાં નીચલા મથાળેથી ક્વિન્ટલે રૂ. 10નો સુધારો આવ્યો હતો, જ્યારે મિડિયમ ગે્રડની ખાંડમાં ઉપલા મથાળેથી ક્વિન્ટલે રૂ. બેનો સાધારણ ગુણવત્તાલક્ષી સુધારો આવ્યો હતો. જોકે, આજે નાકા ડિલિવરી ધોરણે ઔદ્યોગિક વપરાશકારોની મિડિયમ ગે્રડની ખાંડમાં નિરસ માગ રહેતાં ભાવમાં નીચલા મથાળેથી ક્વિન્ટલે રૂ. 10નો અને ઉપલા મથાળેથી રૂ. 30નો ઘટાડો આવ્યો હતો, જ્યારે સ્મોલ ગે્રડની ખાંડમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની નવી લેવાલીનો અભાવ રહ્યો હતો, પરંતુ રિટેલ સ્તરની માગને ટેકે આવક સામે ઉપાડ જળવાઈ રહ્યો હતો. જોકે, આજે સ્મોલ ગે્રડની ખાંડમાં રિટેલ સ્તરની માગને ટેકે વેપાર નીચલા મથાળેથી ક્વિન્ટલે રૂ. 10ના સુધારા સાથે રૂ. 3982થી 4070ના મથાળે થયા હતા, જ્યારે મિડિયમ ગે્રડની ખાંડમાં અમુક માલની ગુણવત્તા સારી આવી હોવાથી તેનાં વેપાર ઉપલા મથાળેથી ક્વિન્ટલે રૂ. બેના સાધારણ સુધારા સાથે રૂ. 4060થી 4152માં થયાના અહેવાલ હતા.
વધુમાં આજે નાકા ડિલિવરી ધોરણે ખાસ કરીને સ્મોલ ગે્રડની ખાંડમાં ઔદ્યોગિક વપરાશકારો તથા સ્થાનિક ડીલરોની માગને ટેકે ભાવ ક્વિન્ટલે રૂ. 3920થી 3950ના મથાળે ટકેલા રહ્યા હતા, જ્યારે મિડિયમ ગે્રડની ખાંડમાં નિરસ માગે ભાવ નીચલા મથાળેથી ક્વિન્ટલે રૂ. 10 અને ઉપલા મથાળેથી રૂ. 30ના ઘટાડા સાથે રૂ. 3970થી 4000ના મથાળે ગુણવત્તાનુસાર ધોરણે રહ્યા હતા.
