(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે વેચવાલીના દબાણ સામે સ્થાનિક તેમ જ દેશાવરોની માગ ખપપૂરતી મર્યાદિત રહેતાં સ્મોલ ગે્રડની ખાંડના ટેન્ડરોમાં વેપાર નીચલા મથાળેથી ક્વિન્ટલે રૂ. 10ના ઘટાડા સાથે રૂ. 3850થી 3900માં થયાના અહેવાલ હતા. વધુમાં આજે સ્થાનિક જથ્થાબંધ ખાંડ બજારમાં પણ રિટેલ સ્તરની ખપપૂરતી માગ તેમ જ સ્ટોકિસ્ટોની લેવાલી પાંખી રહેતાં હાજરમાં માગ તથા માલની ગુણવત્તાને ધ્યાનમાં લેતા હાજર ભાવમાં ક્વિન્ટલે રૂ. બેથી 10નો ઘટાડો આગળ ધપ્યો હતો. આ સિવાય મથકો પરના નિરુત્સાહી અહેવાલે નાકા ડિલિવરી ધોરણે પણ ભાવમાં ક્વિન્ટલે રૂ. 10નો ઘટાડો નોંધાયો હતો.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની નવી લેવાલીમાં નિરુત્સાહ તથા રિટેલ સ્તરની માગ ખપપૂરતી રહેતાં ઉપાડ લગભગ 27થી 28 ટ્રકનો રહ્યો હતો. તેમ જ માગ તથા માલની ગુણવત્તાને ધ્યાનમાં લેતા હાજરમાં સ્મોલ ગે્રડની ખાંડના વેપાર નીચલા મથાળેથી ક્વિન્ટલે રૂ. 10 અને ઉપલા મથાળેથી રૂ. બે ઘટીને રૂ. 4002થી 4060માં તથા મિડિયમ ગે્રડની ખાંડના વપાર નીચલા મથાળેથી ક્વિન્ટલે રૂ. બે અને ઉપલા મથાળેથી રૂ. 10ના ઘટાડા સાથે રૂ. 4060થી 4122માં થયાના અહેવાલ હતા.
આ પણ વાંચો: ખાંડમાં ખપપૂરતા કામકાજે પીછેહઠ…
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગ જળવાઈ રહી હોવા છતાં મથકો પરના નિરુત્સાહી અહેવાલે ભાવમાં ક્વિન્ટલે રૂ. 10નો ઘટાડો આવ્યો હતો, જેમાં સ્મોલ ગે્રડની ખાંડના વેપાર ક્વિન્ટલે રૂ. 3820થી 3950માં અને મિડિયમ ગે્રડની ખાંડના વેપાર ક્વિન્ટલે રૂ. 3960થી 3990માં થયા હોવાનું સૂત્રોએ જણાવ્યું હતું.
